బరువు తగ్గాలని కడుపు మాడ్చుకుంటున్నారా? ఇదెంత ప్రమాదమో తెలుసా..?

బరువు పెరుగుతున్నామని అనిపిస్తే చాలు సగం పేగులను మాడ్చుకునే వారు చాలా మందే ఉన్నారు. ఇలా తినడం మానేస్తే బరువు తగ్గుతామని భావిస్తారు. నిజానికి తినకపోవడం వల్ల బరువు తగ్గను గాక తగ్గరు. అందులోనూ దీనివల్ల ఎన్నో సమస్యలు వస్తాయి. 

శరీర బరువు పెరిగితే బాడీ షేప్ అంతా మారిపోతుంది. అందంగా కనిపించే వాళ్లు కూడా వింతగా కనిపిస్తారు. బరువు వల్ల ఇష్టమైన డ్రెస్సులను వేసుకోలేరు. అంతకు మించి నలుగురిలోకి వెళ్లడానికి కూడా ఇష్టపడరు. ఇలాంటి వారిలో ఆత్మవిశ్వాసం తక్కువగా ఉంటుంది. బరువు పెరగడానికి గజిబిజీ లైఫ్ , చెడు ఆహారాలే కారణం. అయితే కొంతమంది జన్యుపరంగా కూడా బరువు పెరుగుతారు. బరువు తగ్గాలని కొంతమంది వ్యాయామం చేస్తూ.. ఆరోగ్యకరమైన ఆహారాలను తింటే.. మరికొంతమంది మాత్రం ఆహారాన్ని తినడమే మానేస్తుంటారు. కానీ ఇలా చేయడం వల్ల బరువు తగ్గడం సంగతి పక్కనుంచితే ఎన్నో అనారోగ్య సమస్యలొచ్చే అవకాశం ఉందని నిపుణులు హెచ్చరిస్తున్నారు. 

weight loss

బరువు తగ్గాలని తినకుండా ఉండటం పెద్ద తప్పు అని నిపుణులు చెబుతున్నారు. ఎందుకంటే ఇలా చేయడం వల్ల మీ శరీరంలో ముఖ్యమైన పోషకాలు లోపిస్తాయి. దీనివల్ల ఎన్నో రోగాలు వస్తాయి. ముఖ్యంగా.. 

weight loss

ఎక్కువ సేప ఏదీ తినకపోవడం వల్ల  మీ చర్మం పొడిబారడం ప్రారంభమవుతుంది. దీంతో మీ చర్మం నిర్జీవంగా కనిపిస్తుంది. ఇది మీ మొత్తం అందాన్ని పాడుచేస్తుంది.  తినకపోవడం వల్ల నడుము చుట్టూ ఉండే కొవ్వు తగ్గుతుందని భావించేవాళ్లు చాలా మందే ఉన్నారు. కానీ ఇలా ఉండటం వల్ల మీ శరీరం బలహీనపడుతుంది. ఒంట్లో శక్తి లేకుండా పోతుంది. అందుకే ఇలాంటి పని మాత్రం చేయకండి. 

మరీ ఎక్కువ సేపు ఉపవాసం ఉండటం వల్ల మీ  శరీరంలో నీటి శాతం చాలా తగ్గుతుంది. దీనివల్ల మీ బాడీ డీహైడ్రేషన్ బారిన పడుతుంది. దీంతో శరీరంలో ఎన్నో విధులకు ఆటంకం కలుగుతుంది. మీకు తెలుసా.. దీనివల్ల ఒక్కోసారి ప్రాణాలు కూడా పోవచ్చు. చాలా సేపటి వరకు తినపోవడం వల్ల శరీరంలో జీవక్రియలు క్షీణిస్తాయి. ఇది ఎన్నో సమస్యలకు దారితీస్తుంది. 

weight loss

ఆరోగ్య నిపుణుల అభిప్రాయం ప్రకారం.. ఎక్కువ సేపు తినని వ్యక్తుల్లో రక్తపోటు చాలా తగ్గుతుది. అందుకే ఇలాంటి తప్పులను చేయకండి. బరువు తగ్గడాని కడుపును మాడ్చుకోవడానికి బదులుగా ఫైబర్ కంటెంట్ ఎక్కువగా ఉండే ఆహారాలను పుష్కలంగా తినండి. ఇవి మీ జీర్ణక్రియ సక్రమంగా పనిచేయడానికి సహాయపడతాయి. అంతేకాదు ఇవి మీ కడుపును ఎక్కువ సేపు నిండుగా కూడా ఉంచుతాయి. దీనివల్ల మీరు ఫుడ్ ను తక్కువగా తింటారు. దీంతో మీరు ఆరోగ్యంగా బరువు తగ్గుతారు. అలాగే మీ శరీరంలో నీటి కొరత కూడా ఏర్పడదు.  

బరువు తగ్గాలనుకునే వారు ఆయిలీ ఫుడ్ ను తినకూడదు. అలాగే జంక్ ఫుడ్, ఫాస్ట్ ఫుడ్ జోలికి అసలే వెల్లకూడదు. ఇవి మీ బరువును అమాంతం పెంచేస్తాయి. బరువు తగ్గడానికి నీళ్లు ఎంతో ఉపయోగపడతాయి. తినడానికి గంట ముందు నీళ్లను బాగా తాగండి. నీళ్లను తాగడం వల్ల మీరు ఫుడ్ ను ఎక్కువగా తినలేరు. పండ్లు, కూరగాయలు, ఆకు కూరలను ఎక్కువగా తినండి. ఇవి కూడా మీ బరువును తగ్గించి.. బరువు తగ్గేందుకు సహాయపడతాయి.