Vitamin A: విటమిన్ ఎ తక్కువగా ఉంటేనే కాదు.. ఎక్కువగా ఉన్నా ప్రాబ్లమే..

Vitamin A: శరీరంలో తగినంతగా విటమిన్లు ఉన్నప్పుడే బాడీ సరిగ్గా పనిచేస్తుంది. ఏ ఒక్క విటమిన్ లోపం ఏర్పడినా.. మన శరీరం తీవ్రంగా ప్రభావితం అవుతుంది.అంతేకాదు విటమిన్లు అవసరానికి మించి శరరీంలో ఉన్నా అనారోగ్యం బారిన పడతామని నిపుణులు హెచ్చరిస్తున్నారు.   

ఇక విటమిన్లలో విటమిన్ ఎ మనకు ఎంతో ఉపయోగపడుతుంది. ఈ విటమిన్ కంటి చూపును మెరుగుపరచడంతో పాటుగా మరెన్నో ప్రయోజనాలను కలిగి ఉంటుంది. అయితే ఈ విటమిన్ శరీరంలో మోతాదుకు మించి ఉంటే కాలెయ నష్టం, పుట్టుకతో వచ్చే లోపాలు, తలనొప్పి వంటి ఎన్నో సమస్యల బారిన పడతారని ఆరోగ్య నిపుణులు చెబుతున్నారు. 

విటమిన్ ఎ ప్రయోజనాలు

రెటినాల్ అని పిలువబడే విటమిన్ ఎ కళ్లను ఆరోగ్యంగా ఉంచుతుంది. కంటిచూపును మెరుగుపరుస్తుంది. అలాగే రోగనిరోధక శక్తిని పెంచుతుంది. అంటువ్యాధులు, ఇతర రోగాలు సోకే ప్రమాదాన్ని తగ్గిస్తుంది. అంతేకాదు చర్మాన్ని కూడా ఆరోగ్యంగా ఉంచుతుంది. ఈ విటమిన్ మూత్రశయ క్యాన్సర్, గర్బాశయ క్యాన్సర్, ఊపిరితిత్తుల వంటి ఎన్నోక్యాన్సర్ల ప్రమాదాన్నికూడా తగ్గిస్తుంది.

విటమిన్ ఎంత మొత్తంలో తీసుకుంటే మంచిది

పలు ఆరోగ్య సర్వేల ప్రకారం.. పెద్దవారైన పురుషులు 700 మైక్రోగ్రాములు, ఆడవారు 600 మైక్రోగ్రాముల విటమిన్ ఎ ను తీసుకోవాలి. అయితే ఈ విటమిన్ ఏ ఆహారాల ద్వారానే తీసుకోవాలని ఆరోగ్య నిపుణులు చెబుతున్నారు. అయితే ఈ విటమిన్ ఎ లో ఎక్కువ భాగం శరీరంలో కాలెయంలో రెటినైల్ ఎస్టర్లుగా నిల్వ చేయబడుతుంది. 

విటమిన్ ఎ ఎక్కువగా తీసుకుంటే ఏమవుతుంది

శరీరంలో అవసరానికి మించి విటమిన్ ఎ ఎక్కువగా ఉండే శరీరంపై తీవ్రమైన చెడు ప్రభావం పడుతుందని పలు అధ్యయనాలు స్పష్టం చేశాయి. అవసరమైన దానికి కంటే విటమిన్ ఎ ను ఆహారాల ద్వారా తీసుకోవడం, సప్లిమెంట్ల రూపంలో తీసుకోవడం వల్ల ఎముకలపై చెడు ప్రభావం పడుతుంది. అలాగే ఎక్కువగా కాలం విటమిన్ ఎ ను ఎక్కువగా తీసుకుంటే ఎముకలు పగుళ్లు వస్తాయి. వికారం, వాంతులు,  తలనొప్పి, ఎదుగుదల నిలిచిపోవడం, హెయిర్ ఫాల్, పేలవమైన ఆకలి, దృష్టి సమస్యలు, సూర్యకాంతికి తట్టుకోలేకపోవడం, పొడి చర్మం, చర్మంపై దురద వంటి సమస్యలు కలుగుతాయి. 

విటమిన్ ఎ ను ఎక్కువగా తీసుకోవడం వల్ల తేలిక పాటి లక్షణాలతో పాటుగా తీవ్రమైన లక్షణాలు కూడా కనిపిస్తాయి. అవేంటంటే..

కామెర్లు

దారుణమైన తలనొప్పి

కాలెయ నష్టం

జాయింట్స్ పెయిన్

ఈ సమస్యలు కలిగినప్పుడు వెంటనే ఆలస్యం చేయకుండా డాక్టర్ ను సంప్రదించండి. 

విటమిన్ ఎ ఎక్కువగా ఉండే ఎవరికి ఎక్కువ ప్రమాదం: Menopause బారిన పడుతున్న ఆడవారు, ముసలి వాళ్లు విటమిన్ ఎ ను ఎక్కువగా తీసుకోకూడదు. ఒకవేళ తీసుకుంటే బోలు ఎముకల వ్యాధి బారిన పడతారు.