ఆయిలీ స్కిన్ ఉన్న వాళ్లు ఈ ఆహారాలను అసలే తినకూడదు.. తిన్నారో మీ పనిఅంతే..

జిడ్డు చర్మం ఉన్నవారు చర్మ సంరక్షణ చిట్కాలను తప్పకుండా పాటించాలి. ముఖ్యంగా ఫుడ్ విషయంలో.. జిడ్డు చర్మం ఉన్నవాళ్లు కొన్ని  ఆహారాలను అసలే తినకూడదు. తింటే మొటిమలు, దద్దుర్లు, నల్ల మచ్చలు ఏర్పడతాయి. అలాగే చర్మం మరింత జిడ్డుగా మారుతుంది.   

జిడ్డు చర్మాన్ని వదిలించుకోవడం అంత సులువు కాదు. ఆడవాళ్లు, మగవాళ్లంటూ తేడా లేకుండా ఆయిలీ స్కిన్ తో ఇబ్బంది పడుతున్నారు. ఈ ఆయిలీ స్కిన్ వల్ల ఎన్నో చర్మ సమస్యలు కూడా వస్తాయి. ఏదేమైనా ముఖ అందాన్ని కాపాడుకోవడం అంత సులువు కాదు. దీనికోసం ఎన్నో జాగ్రత్తలు తీసుకోవాలి. అయితే కొన్ని ఆహారపు అలవాట్లు కూడా జిడ్డు చర్మానికి దారితీస్తాయి. ఇవి ముఖంపై జిడ్డును మరింత పెంచుతాయి. అలాగే మొటిమలు, దద్దుర్లు, తెల్ల మచ్చలు, నల్ల మచ్చలు ఏర్పడతాయి. జిడ్డు చర్మం ఉన్నవాళ్లు ఏయే ఆహారాలకు దూరంగా ఉండాలో ఇప్పుడు తెలుసుకుందాం.. 

ముడి కూరగాయలు

ముడి కూరగాయలు మన ఆరోగ్యానికి చేసే మేలు అంతా ఇంతా కాదు.. ఎందుకంటే వీటిలో ఆరోగ్యాన్ని కాపాడే ఎన్నో పోషకాలు పుష్కలంగా ఉంటాయి. వీటిని సలాడ్స్ రూపంలో ఎక్కువగా తీసుకుంటుంటారు. ఇది ఆరోగ్యకరమైన ఆహారమే.. కానీ జిడ్డు చర్మం ఉన్నవాళ్లు మాత్రం వీటిని తినకపోవడమే మంచిది. ఆయిలీ స్కిన్ ఉన్నవాళ్లు వండిన కూరగాయలనే తినాలి. ఇవి తింటేనే జిడ్డు పెరిగే అవకాశం ఉండదు. 

జాక్ ఫ్రూట్స్

జాక్ ఫ్రూట్స్ ను ఇష్టపడేవారు చాలా మందే ఉన్నారు.  తియ్యగా ఉండే ఈ పండులో ఎన్నో రకాల పోషకాలుంటాయి. ఇవి ఎన్నో అనారోగ్య సమస్యల నుంచి మనల్ని రక్షిస్తాయి. కానీ ఆయిలీ స్కిన్ ఉన్నవారు మాత్రం ఈ పండును అసలే తినకూడదు. ఎందుకంటే వీళ్లు ఈ పండును తింటే ముఖంపై మొటిమలు ఏర్పడతాయి. అందుకే ఈ పండుకు వీళ్లు దూరంగా ఉండాలి. 

కొవ్వున్న పాల ఉత్పత్తులు

పాలు, ఇతర పాల ఉత్పత్తులు ఆరోగ్యానికి ఎంతో మేలు చేస్తాయి. వీటిలో కాల్షియం, విటమిన్ ఎ, విటమిన్ సితో పాటుగా ఎన్నో రకాల పోషకాలు పుష్కలంగా ఉంటాయి. వీటిని తీసుకోవడం వల్ల ఎముకల బలం పెరుగుతుంది. అయితే ఆయిలీ స్కిన్ ఉన్నవాళ్లు కొవ్వు ఎక్కువగా ఉండే పాల ఉత్పత్తులను తీసుకోకూడదు. ముఖ్యంగా కొవ్వు ఎక్కువగా ఉండే వాటిని. ఎందుకంటే ఇవి చర్మ రంధ్రాలను మూసేస్తుంది. ముఖ్యంగా చర్మాన్ని మరింత జిడ్డుగా మారుస్తుంది. దీనివల్ల మొటిమలు విపరీతంగా అవుతాయి.