గుడ్లను అతిగా తిన్నా అనర్థమే.. ఎక్కువ తింటే ఏమౌతుందో తెలుసా..?

గుడ్ల ద్వారా మన శరీరానికి ఎన్నో రకాల పోషకాలు అందుతాయి. అందుకే వీటిని రోజూ తినాలని ఆరోగ్య నిపుణులు చెబుతుంటారు. అయితే వీటిని మోతాదుకు మించి తినడం కూడా పాణానికి అంత మంచిది కాదని ఆరోగ్య నిపుణులు హెచ్చరిస్తున్నారు.   

గుడ్డును సూపర్ ఫుడ్, హెల్తీ ఫుడ్ అంటారు. ఎందుకంటే ఇది సంపూర్ణ ఆహారం. దీనిలో ఎన్నో రకాల పోషకాలుంటాయి. రోజూ బ్రేక్ ఫాస్ట్ లో ఉడకబెట్టిన గుడ్డును తింటే రోజంతా ఎనర్జిటిక్ గా, హుషారుగా ఉంటారు. అందుకే సండే అయినా.. మండే అయినా రోజూ తినండి గుడ్డు అనే మాట పుట్టుకొచ్చింది. ఇందంతా బానే ఉన్నా.. అసలు రోజుకు ఎన్ని గుడ్లను తినాలి.. ఒకవేళ గుడ్లను రోజులో ఎక్కువ సార్లు తింటే ఏమౌతుందో తెలుసుకుందాం పదండి.. 

గుడ్లలో పోషకాలు పుష్కలంగా ఉంటాయి. అందుకే దీన్ని సూపర్ ఫుడ్ గా పరిగణిస్తారు. గుడ్లు మన ఆరోగ్యానికి చేసే మేలు అంతా ఇంతా కాదు. అందుకే ఆరోగ్య నిపుణులు దీన్ని రోజూ తినాలని చెబుతుంటారు. గుడ్లలో విటమిన్ బి12, విటమిన్  డి, కాల్షియం, ప్రోటీన్లు, ఆరోగ్యకరమైన కొవ్వులు పుష్కలంగా ఉంటాయి. అయినా గుడ్లను తినే విషయంలో కూడా చాలా జాగ్రత్తగా ఉండాలి. 

రోజుకు ఎన్ని గుడ్లు తినాలి

ఆరోగ్యంగా ఉన్న వయోజనుడు ఒక గుడ్డును తింటే సరిపోతుంది. దీని నుంచి అతని శరీరానికి కావాల్సిన ఎన్నో పోషకాలు అందుతాయి. అయితే ఇది మన జీవన శైలిపై కూడా ఆధారపడి ఉంటుందని నిపుణులు చెబుతున్నారు. మీకు ఏ చిన్న అనారోగ్య సమస్యలు గనుక లేనట్టైతే మీరు బేషుగ్గా మూడు గుడ్లను తినొచ్చు. కానీ వీళ్లు రెగ్యులర్ గా వ్యాయామం చేసే వారై ఉండాలి. ఎందుకంటే వ్యాయామం చేసే వారికి ప్రోటీన్ అవసరం ఎక్కువగా ఉంటుంది. ఇవి గుడ్ల నుంచే ఎక్కువగా అందుతాయి. 

గుడ్లను అతిగా తినడం వల్ల కలిగే నష్టాలు

అతిసారం

అది ఎంత మంచిదైనా కానీయండి.. అతి పనికి రాదంటారు మన పెద్దలు. అలాగే ఆరోగ్యానికి మేలు చేస్తుందని గుడ్లను మోతాదుకు మించి తింటే మాత్రం మీరు చిక్కుల్లో పడ్డట్టే. రోజూ ఒక ఉడక బెట్టిన గుడ్డును తింటే చాలు. పరిమితికి మించి తింటే మీరు డయేరియా బారిన పడొచ్చు. దీనివల్ల మీ శరీరం బలహీనంగా తయారవుతుంది. అందుకే గుడ్లను అతిగా తినకండి. ఇది మిమ్మల్ని ప్రమాదంలో పడేస్తుంది. 

మలబద్దకం

గుడ్లను మోతాదుకు మించి తింటే.. జీర్ణవ్యవస్థపై చెడు ప్రభావం పడుతుంది. ఇది మలబద్దకానికి దారితీస్తుంది. ఇక కొన్ని కొన్ని సందర్భాల్లో అయితే కడుపులో చికాకు పుడుతుంది. అలాగ్యే గ్యాస్ట్రిక్ ప్రాబ్లమ్ ను కూడా ఫేస్ చేస్తారు. అంతేకాదు అపానవాయువు (పిత్తులు) సమస్యను కూడా వస్తుంది. 

కొలెస్ట్రాల్ 

గుడ్డులో మన శరీరానికి అవసరమయ్యే ఎన్నో రకాల పోషకాలు లభిస్తాయి. అయితే గుడ్డు పచ్చసొనలో ఎక్కువ మొత్తంలో ఆరోగ్యకరమైన కొవ్వు ఉంటుంది. ఇది శరీరానికి ఎలాంటి హాని కలిగించనప్పటికీ.. ఇది కొవ్వును పెంచుతుంది. అందుకే కొలెస్ట్రాల్ ను తగ్గించుకోవాలనుకునే వారు గుడ్లను తక్కువ మొత్తంలో తినాలి.