Pressure Cooker: ప్రెజర్ కుక్కర్ విజిల్ వచ్చిన ప్రతిసారీ.. నీళ్లు బయటకు వచ్చేస్తున్నాయా? దీని వల్ల స్టవ్ మొత్తం పాడైపోతుందా? అయితే, సింపుల్ చిట్కాలు ఫాలో అయితే.. పాత కుక్కర్ అయినా సరే వాటర్ లీక్ అవ్వదు.
ప్రతి ఒక్కరి ఇంట్లో ప్రెజర్ కుక్కర్ ఉండటం చాలా సహజం. దాదాపు అందరూ పప్పు, అన్నం లాంటివి అందులోనే వండుతూ ఉంటారు. ప్రెజర్ కుక్కర్ లో వంట చాలా తొందరగా అవుతుంది. టైమ్ కలిసొస్తుంది. అందులో వంట చేయడం కూడా చాలా సులువు. అయితే… వచ్చిన సమస్యల్లా.. పప్పు, అన్నం ఉడికేటప్పుడు కుక్కర్ నుంచి నీళ్లు బయటకు వచ్చేస్తూ ఉంటాయి. అయితే.. కొన్ని సింపుల్ చిట్కాలు ఫాలో అయితే….వాటర్ లీకేజ్ నుంచి బయటపడొచ్చు. అదెలాగో ఇప్పుడు చూద్దాం…
24
కుక్కర్ మూత ఎప్పుడు పెడుతున్నారు..?
చాలా మంది కుక్కర్ సరిగా వాడకపోవడం వల్ల వాటర్ లీకేజ్ అవుతుంది. పప్పు, రాజ్మా లాంటివి వండేటప్పుడు కుక్కర్ లో పప్పు, నీళ్లు వేసి మూత పెట్టి.. ఆ తర్వాత.. పొయ్యి మీద పెట్టేస్తూ ఉంటారు. కానీ.. ఇది సరైన పద్దతి కాదు. ఇలా చేయడం వల్లే.. కుక్కర్ లీక్ అయ్యి.,. వాటర్ బయటకు వస్తుంది.
కుక్కర్ ని వాడే అసలైన పద్ధతి….
ముందుగా.. ఖాళీ కుక్కర్ ని గ్యాస్ పై పెట్టాలి. సుమారు 10 సెకన్ల తర్వాత కుక్కర్ కొద్దిగా వేడి ఎక్కుతుంది. ఆ తర్వాత.. కుక్కర్ లో పప్పు, నీళ్లు పోయాలి. దానికి అవసరమైన ఉప్పు, పసుపు కూడా వేయాలి. 50 నుంచి 60 సెకన్ల ఆగితే… నీరు వేడెక్కుతుంది. నీరు వేడెక్కి ఆవిరి రావడం మొదలైన తర్వాత కుక్కర్ కి మూత పెట్టాలి.
34
ఇదే సరైన పద్ధతి....
ఇలా ఆవిరి వస్తున్నప్పుడు మూత పెట్టడం వల్ల నీళ్లు బయటకు పొంగవు, మీ వంటగది కూడా పాడవ్వదు. మీరు ఏ సైజు కుక్కర్ వాడినా కూడా ఈ పద్ధతి చాలా బాగా ఉపయోగపడుతుంది.
పప్పు కన్నా ముందే తాలింపు పెట్టాల్సి వస్తే, గ్యాస్ ఆన్ చేసిన వెంటనే నూనె వేయకండి. ముందుగా ఖాళీ కుక్కర్ను పొయ్యి మీద పెట్టి కొద్దిగా వేడెక్కనివ్వాలి (సుమారు 10-15 సెకన్లు). కుక్కర్ వేడెక్కిన తర్వాత నూనె వేసి, అది కాగాక ఆవాలు, జీలకర్ర లేదా కూరగాయలు వేసి తాలింపు రెడీ చేయాలి. తాలింపు అయ్యాక పప్పు, నీళ్లు పోసినప్పుడు, కుక్కర్ అప్పటికే వేడిగా ఉండటంతో నీళ్లు త్వరగా మరగడం మొదలవుతుంది. నీళ్లు మరిగి ఆవిరి రావడం మొదలయ్యాక మాత్రమే మూత పెట్టాలి.
సాధారణంగా మనం చల్లటి నీళ్లు పోసి వెంటనే కుక్కర్ మూత పెట్టినప్పుడు, కుక్కర్ లోపలి గాలి, నీరు రెండూ ఒకేసారి వేడెక్కి, పీడనం పెరిగేకొద్దీ నీటిని బయటకు నెట్టేస్తాయి. కానీ, ఈ ట్రిక్ పాటిస్తే.. కుక్కర్ ముందే వేడెక్కి ఆవిరి వచ్చిన తర్వాత మూత పెడితే, ఆ ఆవిరి పీడనం నీటిని కిందకు అదిమి పట్టి, కేవలం ఆవిరి మాత్రమే విజిల్ ద్వారా బయటకు వస్తుంది. దీంతో నీళ్లు బయటకు పొంగడం ఆగిపోతుంది.
