మీలో ఈ లక్షణాలు కనిపిస్తున్నాయంటే షుగర్ ఉన్నట్టే..

Sugar Symptoms: వయస్సుతో సంబంధం లేకుండా నేడు చాలా మంది షుగర్ వ్యాధి బారిన పడుతున్నారు. అసలుకి ఈ వ్యాధి ఎందుకు వస్తుంది. ఇది వచ్చిందని ఎలా నిర్దారించుకోవాలి. దీని లక్షణాలు ఎలా ఉంటాయి? ఈ వ్యాధి రాకుండా ఉండాలంటే ఏయే జాగ్రత్తలు తీసుకోవాలి.. వివరాలు.. 

షుగర్ వ్యాధి, డయాబెటీస్, మధుమేహం అన్ని ఒకే వ్యాధి. ప్రస్తుతం ఎక్కువ మంది ఎదుర్కొంటున్న అతి పెద్ద సమస్య ఇది. ఇది అత్యంత ప్రమాదకారి కానప్పటికీ.. షుగర్ మితిమీరితే ప్రాణాలకే ప్రమాదం. శరీరంలోని గ్లూకోజ్ హెచ్చు తగ్గుల వల్ల ఈ వ్యాధి వస్తుంది. ఈ షుగర్ వ్యాధి నుంచి తప్పించుకోవాలంటే మాత్రం సరైన డైట్ ఖచ్చితంగా పాటించాల్సిందే. మధుమేహం వచ్చినా.. చాలా ఏండ్లు బ్రతికే వాళ్లు చాలా మందే ఉన్నారు. దానికి కారణం వాళ్లు తీసుకునే జాగ్రత్తలే కారణం. వీళ్లు పాటించాల్సిన ఆహార నియమాలే వీళ్ల ఆరోగ్యాన్ని సురక్షితంగా ఉంచుతుంది. ఈ వ్యాధిని ఆదిలోనే  గుర్తిస్తే దీని బారి నుంచి తప్పించుకోవచ్చు. 

మూత్రం తరచుగా వస్తుంటుంది. తద్వారా మీరు డీ హైడ్రేషన్ కు గురవుతారు. అలాగే మీ చర్మం పొడిగా, పాలిపోయినట్టుగా మారుతుందని వైద్యులు చెబుతున్నారు. ఈ వ్యాధి వస్తే కొన్ని రకాల సంకేతాలను మీ చర్మం తెలియజేస్తుంది. మీ శరీరంలో Sugar levels పెరగడమే ఇందుకు కారణం.  గొంతు దగ్గర, చంకల్లో నల్లటి ప్యాచెస్ వస్తే మీకు షుగర్ సోకినట్టే. ఇది షుగర్ వస్తుందని తెలియజేస్తుంది. ఇలా మీకు కనిపిస్తే మీ Blood లో ఇన్సులిన్ పెగినట్టని అర్థం చేసుకోవాలి. మీ శరీరంపై ఏదైనా గాయం అయితే అది తొందరగా తగ్గకపోతే షుగర్ సమస్య వచ్చినట్టే. అలా ఉన్నప్పుడు వెంటనే డాక్టర్ ను సంప్రదించడం మంచిది. ముఖంపై మొటిమలు, చర్మంపై దురద, నొప్పి వస్తుంది. ఆ తర్వాత ఆ మొటిమల మచ్చలు గోదుమ రంగు లేదా పసుపు, ఎరుపు రంగులోకి మారితే ఖచ్చితంగా షుగర్ అటాక్ చేసిందని అర్థం చేసుకోవాలి. 

ఇవి షుగర్ ముందస్తు లక్షణాలని నిపుణులు సూచిస్తున్నారు. ఇలాంటి లక్షణాలు కనిపిస్తే ఆలస్యం చేయకుండా వైద్యులను సంప్రదించాలి. తరచుగా గొంతు ఎండిపోవడం, ఎప్పుడూ నీరసంగా అనిపించడం, కారణం లేకుండా బరువు తగ్గడం  కూడా డయాబెటీస్ లక్షణాలే. ఎప్పుడూ ఆకలిగా అనిపించినా, తరచుగా వాంతులు, విరేచనాలు, కాళ్లలో స్పర్శ తగ్గినా ఈ వ్యాధి లక్షణాలే. చర్మం ముడతలు పడ్డా, కంటి చూపు తగ్గినా, దంతాల చిగుళ్లలో ఇన్ఫెక్షన్లు రావడం కూడా షుగర్ లక్షణాలే. 

diabetes

ఎంత పనిలో ఉన్నా ఖచ్చితంగా ఒక 30 నిమిషాలైనా నడవాలి. అలాగే రోజూ వ్యాయామం తప్పనిసరిగా చేయాలి. శారీరక శ్రమ ఎంతో అవసరం. మీరు వర్క్ చేస్తున్నట్టైతే.. మధ్య మధ్యలో బ్రేక్ తీసుకుని నడవడం అలవాటు చేసుకోవాలి. ఈ వ్యాధిగ్రస్తులకు ఇచ్చిన మెడిసిన్ ను డైలీ వాడాలి. ఇకపోతే వీరు తీసుకోవాల్సిన ఫుడ్ ను ఏ మాత్రం నెగ్లెట్ చేయకూడదు. ఫాస్ట్ ఫుడ్, జంక్ ఫుడ్, వేపుళ్లకు దూరంగా ఉండాలి. శరీరానికి అవసరమయ్యే ఆహారాన్నే తీసుకోవాలి. ఎప్పటికప్పుుడు కొలెస్ట్రాల్, బీపీ, Glucose levels ను  పరీక్షలు చేయించాలి. పాదాలపై పుండ్లు, గాయాలు ఏమైనా అవుతున్నాయో చూస్తూ ఉండాలి. ముఖ్యంగా డయాబెటీస్ రోగుల్లో కిడ్నీలు దెబ్బతినే ప్రమాదం పొంచి ఉంది. అందుకే 3 నెలలకోసారి ఖచ్చితంగా మూత్ర పరీక్ష చేయించుకోవడం మర్చిపోవద్దని ఆరోగ్య నిపుణులు సూచిస్తున్నారు. కాగా ప్రతి చిన్న చిన్న విషయాలకు కూడా కొందరు భావోద్వేగానికి గురవుతుంటారు. దీనివల్ల శరీరం ఒత్తిడికి గురవుతుంది. అయితే ఒత్తిడిని ఎంత తగ్గించుకుంటే డయాబెటిస్ ను అంత తొందరగా నియంత్రించవచ్చని నిపుణులు చెబుతున్నారు.