ఈ సింపుల్ టిప్స్‌తో సాలె పురుగులు మళ్లీ ఇంట్లోకి రావు

ఇంట్లో సాలె పురుగులు ఉండటం చాలా కామన్. ఇవి ఎక్కడపడితే అక్కడ ఈజీగా పెరుగుతాయి. ముఖ్యంగా అపరిశుభ్రంగా ఉన్న చోట విపరీతంగా గూళ్లు కడతాయి. ఇంట్లో సాలె పురుగులు ఉంటే విష కీటకాలు ఇంట్లోకి రావడానికి అవకాశాలు ఎక్కువగా ఉంటాయి. వాటిని ఇంట్లోంచి బయటకు పంపించడానికి, కొత్తవి రాకుండా ఉండటానికి కొన్ని సింపుల్ చిట్కాల గురించి ఇప్పుడు తెలుసుకుందాం. 

మీకు తెలుసా? కొన్ని సాలె పురుగులు కరుస్తాయి. దీనివల్ల చర్మ సంబంధ సమస్యలు వస్తాయి. కొన్నిసార్లు చాలా కాలం నొప్పి కూడా వస్తుంది. కాబట్టి ఇంట్లో సాలెపురుగులు గూళ్లు కడుతుంటే లైట్ గా తీసుకోకూడదు. వాటిని ఇంటి నుండి బయటకు పంపాలన్నా, మొత్తం ఇంట్లోకి రాకుండా చేయాలన్నా కొన్ని చిట్కాలు ఉన్నాయి. వాటిని ఇప్పుడు తెలుసుకుందాం. 

వినెగార్

వినెగార్ వాసన సాలెపురుగులకు నచ్చదు. కాబట్టి దాని సహాయంతో సాలెపురుగులను ఇంటి నుండి సులభంగా వదిలించుకోవచ్చు. దీనికోసం ఒక స్ప్రే బాటిల్‌లో వినెగార్ పోసి దానికి నీళ్లు కలిపి బాగా కలిపి సాలెపురుగులు ఉన్న చోట మరియు ఇంటి చుట్టూ చల్లాలి.

యూకలిప్టస్ చెట్టు

మీ ఇంటి తోటలో యూకలిప్టస్ చెట్టును నాటండి. దాని నుండి వచ్చే వాసన సాలె పురుగులకు నచ్చదు. దీంతో ఆ ఇంటి చుట్టు పక్కలకు కూడా సాలె పురుగులు రావు.  

సిట్రస్

సాలె పురుగులకు సిట్రస్ వాసనలు నచ్చవు. కాబట్టి సిట్రస్ వాసన కలిగిన క్లీనర్లు, ఫర్నీచర్ పాలిష్‌లను ఉపయోగిస్తే ఇంట్లోకి సాలె పురుగులు రావు. మీ ఇంటి తోటలో సిట్రస్ మొక్కలను పెంచడం వల్ల ఈ సాలె పురుగులు శాశ్వతంగా ఇంట్లోకి రాకుండా ఉంటాయి.

వెల్లుల్లి, లవంగాలు

ఘాటైన వెల్లుల్లి, లవంగాల వాసన వల్ల కీటకాలు వంటింట్లోకి రావు. రెండింటిని కలిపి బాగా గ్రైండ్ చేసి ఆ లిక్విడ్ ని నీటిలో కలిపి ఆ నీటిని మీ ఇంటి గోడలు, తలుపులు, కిటికీలు, చెట్లపై చల్లాలి.

బయటి లైట్లు వేసేటప్పుడు ఇలా చేయండి

సాధారణంగా వెలుతురు ఎక్కువగా ఉన్న చోటుకు కీటకాలు రావు. సాలె పురుగులు కూడా వెలుతురులో బతకలేవు. కాబట్టి మీ ఇంటి బయటి లైట్లు వాడకపోతే వెంటనే వెలిగించండి. ప్రతి రోజు సాయంత్రం పూట చీకటి పడక ముందే మీ ఇంటి తలుపులు, కిటికీలను మూసి ఉంచండి. బయటి లైట్లు వేసిన తర్వాత మీ ఇంటి తలుపులు, కిటికీలను క్లోజ్ చేసి ఇంట్లో లైట్లు వేసుకోండి. దీని వల్ల ఎలాంటి సాలె పురుగులే కాకుండా ఎలాంటి కీటకాలు ఇంట్లోకి రావు. 

ఇది కూడా చదవండి: సమ్మర్‌లో మామిడి కాయలు తింటే ఆ రోగాలన్నీ తగ్గిపోతాయి

శుభ్రత పాటిస్తే ఎలాంటి కీటకాలు రావు

ఇంటి లోపల, ఇంటి చుట్టుపక్కల ఎల్లప్పుడూ శుభ్రంగా ఉంచుకోండి. అప్పుడే సాలెపురుగులు మాత్రమే కాదు.. ఏ కీటకాలు కూడా ఇంట్లోకి రావు. మురుగు నీరు నిలిచిపోయి ఉంటే దోమలు, ఈగలు పెరిగిపోతాయి. మురుగు గుంటల్లో పందులు చేరితే రకరకాల రోగాలు వస్తాయి. శుభ్రత పాటిస్తే ఎలాంటి కీటకాలు ఇంట్లోకి రాకుండా ఉంటాయి.