ఒక చిన్న లవంగంతో ఎన్ని లాభాలో.. ఇదెన్ని రోగాలను తగ్గిస్తుందో ఎరుకేనా ?

చిన్న చిన్న అనారోగ్య సమస్యలు అంటే దగ్గు, జలుబు, ఫ్లూ వంటి సమస్యలను తగ్గించుకోవడానికి హాస్పటల్లకు వెళ్లే వారు కూడా ఉన్నారు. కానీ వీటిని తగ్గించుకోవడానికి మీరు హాస్పటల్ల చుట్టూ తిరగాల్సిన అవసరం లేదు. అయినా చిన్న చిన్న సమస్యకు కూడా మందులు వాడితే మీ శరీరం దెబ్బతింటుంది. ఇలాంటి సమస్యలను వంటింట్లో ఉండే కొన్ని మసాలా దినుసులతో సులువుగా తగ్గించుకోవచ్చంటున్నారు నిపుణులు. 

చలికాలం ఆహ్లాదంగా ఉంటుంది. కానీ ఈ సీజన్ లోనే ఎన్నో రోగాలు పట్టిపీడిస్తుంటాయి. దగ్గు, గొంతు నొప్పి, జలుబు, సీజనల్ ఫ్లూ తో పాటుగా ఎన్నో అనారోగ్య సమస్యలను తీసుకొస్తుంది చలికాలం. దగ్గు, గొంతునొప్పికి కూడా మాత్రలు వేసుకునే వారున్నారు. కానీ ఈ సీజన్ లో ఈ సమస్యలు తరచుగా వస్తుంటాయి. అలా అని తరచుగా మాత్రలను వేసుకుంటే ఆరోగ్యం దెబ్బతింటుంది. అయితే మన వంటింట్లో ఉండే కొన్ని మసాలా దినుసులతో ఈ సమస్యను చాలా తొందరగా తగ్గించుకోవచ్చు. అదికూడా చిన్నగా ఉండే లవంగంతో. లవంగాలు సహజంగా దగ్గుతో పోరాడటానికి సహాయపడటమే కాకుండా మన రోగనిరోధక శక్తిని కూడా మెరుగుపరుస్తాయి. లవంగాలు యూజెనాల్, గాలిక్ ఆమ్లం వంటి ఫినోలిక్ సమ్మేళనాలను కలిగి ఉంటాయి. ఇవి యాంటీ ఇన్ఫ్లమేటరీ, యాంటీ బాక్టీరియల్ స్వభావాన్ని కలిగి ఉంటాయి. ఔషధ గుణాలు పుష్కలంగా ఉన్న లవంగాలు సీజనల్ ఫ్లూ నుంచి ఉపశమనం కలిగించడమే కాకుండా నిరంతర దగ్గు వల్ల కలిగే నొప్పిని కూడా తగ్గిస్తాయి. లవంగాల వల్ల ఎలాంటి ఆరోగ్య ప్రయోజాలను పొందుతారో ఇప్పుడు తెలుసుకుందాం..

దగ్గుకు లవంగం

లవంగాల్లో యాంటీఆక్సిడెంట్లు, యాంటీమైక్రోబయల్ లక్షణాలు పుష్కలంగా ఉంటాయి. అందుకే దగ్గును తగ్గించడంలో లవంగం ఎఫెక్టీవ్ గా పనిచేస్తుంది. రాతి ఉప్పు కలిపిన లవంగాన్ని తీసుకుని బాగా నమిలితే గొంతునొప్పి తొందరగా తగ్గుతుంది. ముక్కు, నోటిని అన్నవాహికకు కలిపే పొర-వరుస కుహరం అయిన స్వరపేటిక వాపు నుంచి ఉపశమనం పొందటానికి కూడా ఇది సహాయపడుతుంది. పొడి దగ్గు లేదా నిరంతర దగ్గుతో బాధపడుతుంటే ఈ చిట్కాలను తప్పకుండా ప్రయత్నించండి. 

 కొవ్వు కాలేయానికి చికిత్స చేస్తుంది

యాంటీ ఆక్సిడెంట్లు ఎక్కువ మొత్తంలో ఉండటం వల్ల లవంగం శరీర అవయవాలను, ముఖ్యంగా కాలేయాన్ని రక్షించడానికి ఎంతగానో సహాయపడుతుంది. లవంగంలో ఉండే హెపాటోప్రొటెక్టివ్ లక్షణాలు   లిపిడ్ ప్రొఫైల్, రాడికల్ ఉత్పత్తి పెరుగుదల ప్రక్రియ వంటి స్వేచ్ఛా జీవక్రియ కార్యకలాపాల వల్ల కలిగే నష్టాలను తగ్గిస్తుంది. ఫలితంగా కాలేయం ఆరోగ్యంగా ఉంటుంది. కొవ్వు కాలెయం సమస్య వచ్చే ప్రమాదం తగ్గుతుంది. 

డయాబెటిక్ రోగులకు మంచిది

డయాబెటిక్ పేషెంట్ల విషయానికొస్తే వీరి శరీరం ఉత్పత్తి చేసే ఇన్సులిన్ పరిమాణం వీరి శరీరానికి అవసరమైన ఇన్సులిన్ స్థాయికి సరిపోదు. లవంగం వాడకం వల్ల వీరి శరీరంలో ఇన్సులిన్ ఉత్పత్తి పెరుగుతుంది. అలాగే లవంగం రక్తంలో చక్కెర స్థాయిని అదుపులో ఉంచుతుందని ఎన్నో అధ్యయనాలు నిరూపించాయి కూడా. 

రోగనిరోధక శక్తిని పెంచుతుంది

లవంగం మొగ్గ శరీరంలో తెల్ల రక్త కణాల సంఖ్యను పెంచడానికి ఎంతగానో సహాయపడుతుంది. అంతేకాదు ఇది రోగనిరోధక లక్షణాలను పెంచుతుంది. ఇది శరీరం సహజ పనితీరుకు హానిని, అసౌకర్యాన్ని కలిగించే వాటికి  వ్యతిరేకంగా పనిచేస్తుంది. ఇమ్యూనిటీ ఎక్కువగా ఉండే ఎన్నో రోగాలొచ్చే ప్రమాదం తగ్గుతుంది. 

నోటి దుర్వాసనను తొలగించడానికి సహాయపడుతుంది

లవంగాలు ప్రత్యేకమైన వాసనను కలిగి ఉంటాయి. ఇవి నోటి దుర్వాసనను తొలగించడంలో చాలా ప్రభావవంతంగా ఉంటాయి. టూత్ పేస్ట్ తయారీలో లవంగాన్ని ప్రధాన పదార్ధంగా వాడుతారు తెలుసా? నోటి దుర్వాసన సమస్యను పరిష్కరించడానికి ప్రతిరోజూ పానీయాలు లేదా ఆహారం ద్వారా తీసుకోవచ్చు.