మన ఇంట్లో బెడ్ షీట్స్, టవల్స్ ఎంత ఫ్రీక్వెంట్ గా ఎలా వాష్ చేసుకుంటామో..డోర్ మ్యాట్స్ కూడా అలానే వాష్ చేస్తూ ఉండాలి. అయితే, వాటిని ఉతకడం చాలా కష్టం అని ఎక్కువ మంది ఫీలౌతుంటారు. కానీ.. వాటిని క్లీన్ చేసే సింపుల్ ట్రిక్స్ తెలిస్తే.. వాటిని ఉతకడం చాలా ఈజీ. మరి, అవేంటో ఇప్పుడు చూద్దాం..
మనలో చాలా మంది ఇంటిని చాలా శుభ్రంగా ఉంచుతారు. ఇంట్లోని అన్ని వస్తువులను శుభ్రంగా ఉంచుకుంటూ ఉంటారు. తరచుగా ఇంటిని మాప్ చేస్తూ ఉంటారు. కానీ.. డోర్ మ్యాట్ లను మాత్రం పెద్దగా పట్టించుకోరు. రెండు, మూడు నెలలు అయినా సరే, వాాటిన గోడకు కట్టి.. వాడుతూ ఉంటారు కానీ.. శుభ్రం చేయరు. కొందరు అయితే.. సంవత్సరం పాటు వాడేసి, దానిని పడేసి మరోటి కొంటూ ఉంటారు. కానీ, ఇలా చేయడం వల్ల చాలా ఆరోగ్య సమస్యలు వస్తాయి. బయటి నుంచి వచ్చిన దుమ్మూ, ధూళి మొత్తం డోర్ మ్యాట్ కే అంటుకుంటుంది. మనం ఇంటిని ఎంత శుభ్రం చేసుకున్నా.. డోర్ మ్యాట్ శుభ్రం చేయకపోతే.. అదంతా వృథా అయినట్లే..
రెగ్యులర్ గా డోర్ మ్యాట్ శుభ్రం చేసే వాళ్లు కూడా ఉంటారు. కానీ.. దానికోసం చాలా కష్టపడుతూ ఉంటారు. కానీ, ఇకపై ఎలాంటి కష్టం లేకుండా సింపుల్ గా పది నిమిషాల్లో డోర్ మ్యాట్ ను చాలా సులభంగా శుభ్రం చేయవచ్చు. ఎలాంటి మరకలు లేకుండా చాలా ఈజీగా క్లీన్ చేయవచ్చు. అదెలాగో ఇప్పుడు చూద్దాం...
డోర్ మ్యాట్‌ను సులభంగా శుభ్రం చేయడానికి చిట్కాలు:
దీని కోసం ముందుగా ఒక వెడల్పాటి బకెట్‌లో వేడి నీటిని పోయాలి. తర్వాత మీ ఇంట్లో ఉన్న అన్ని డోర్ మ్యాట్‌లను అందులో వేసి, నీటిలో మునిగేలా ఉంచండి. అరగంట పాటు డోర్ మ్యాట్‌ను వేడి నీటిలో నానబెట్టండి. తర్వాత దానిని తీసి సాధారణ నీటితో బాగా శుభ్రం చేసుకోండి. ఇలా చేయడం వల్ల డోర్ మ్యాట్‌లో ఉన్న సగం దుమ్ము, ధూళి పోతుంది.
తర్వాత అదే బకెట్‌లో మళ్ళీ గోరువెచ్చని నీటిని పోయాలి. తర్వాత అందులో 2 స్పూన్ల డిటర్జెంట్ పౌడర్, వెనిగర్ లేదా బేకింగ్ సోడా వేసి బాగా కలపాలి. నీరు వేడిగా ఉంటుంది కాబట్టి చేతులను ఉపయోగించవద్దు. ఒక పెద్ద కర్రను ఉపయోగించండి. తర్వాత అందులో మూడు మూతలు డెట్టాల్ పోయాలి.
డెట్టాల్ క్రిమిసంహారిణి కాబట్టి డోర్ మ్యాట్‌లో ఉన్న క్రిములను చాలా సులభంగా తొలగిస్తుంది. ఆ తర్వాత డోర్ మ్యాట్‌ను అందులో ఒక గంట పాటు నానబెట్టండి. ఒక గంట తర్వాత ప్రతి డోర్ మ్యాట్‌ను సాధారణ నీటితో బాగా శుభ్రం చేసుకుని ఎండలో ఆరబెట్టి ఉపయోగించండి.
ఈ పద్ధతిని అనుసరించడం ద్వారా మీ డోర్ మ్యాట్‌ను చేతులు నొప్పి లేకుండా సులభంగా కడగవచ్చు. మీకు ఈ చిట్కాలు నచ్చితే మీరు కూడా మీ ఇంట్లో ఉన్న డోర్ మ్యాట్‌ను ఒకసారి ఇలా కడిగి చూడండి!
గమనిక: మీ కుటుంబ సభ్యుల ఆరోగ్యాన్ని దృష్టిలో ఉంచుకుని వారానికి ఒకసారైనా మీ ఇంట్లో ఉన్న డోర్ మ్యాట్‌ను తప్పకుండా కడగాలి.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి