వాకింగ్ చేయడం వల్ల శరీరం మాత్రమే కాదు, మనసు కూడా ఉల్లాసంగా ఉంటుంది. దీనికి ప్రత్యేక పరికరాలు అవసరం లేదు. ఎక్కడైనా, ఎప్పుడైనా చేయగల వ్యాయామం. 10 అడుగుల స్థలం ఉంటే చాలు వాకింగ్ చేయవచ్చు. స్థలమే లేకపోతే నిలబడి ఉన్న చోటే 'నడుస్తున్నట్లు' యాక్షన్ తో వ్యాయామం చేయవచ్చు. ఇది చాలా ప్రభావవంతమైన కార్డియో వ్యాయామం. దీర్ఘకాలిక వ్యాధులైన డయాబెటిస్, హై బ్లడ్ ప్రెజర్ లను తగ్గిస్తుందని కూడా చెబుతారు.
25
బ్లడ్ ప్రెజర్ అంటే
బ్లడ్ ప్రెజర్ అంటే గుండె ధమనుల గోడల ద్వారా రక్తాన్ని పంప్ చేసేటప్పుడు కలిగే ఒత్తిడి. ధమనుల గోడలపై నిరంతరం ఎక్కువ ఒత్తిడి ఉండటం వల్ల గుండె, రక్తనాళాలు దెబ్బతింటాయి. దీని వల్ల గుండెపోటు, పక్షవాతం, మూత్రపిండాల సమస్యలు వచ్చే అవకాశం ఉంది. వీటిని నివారించడానికి హై బ్లడ్ ప్రెషర్ ను కంట్రోల్ లో ఉంచుకోవడం చాలా ముఖ్యం.
35
వాకింగ్ - బ్లడ్ ప్రెజర్;
వాకింగ్ అనేది గుండె కొట్టుకునే వేగాన్ని పెంచే సులభమైన వ్యాయామం. క్రమం తప్పకుండా వాకింగ్ చేస్తే గుండె బలపడుతుంది. బలమైన గుండె రక్తాన్ని సక్రమంగా, సమర్థవంతంగా ఇతర అవయవాలకు పంప్ చేస్తుంది. ధమనులపై ఒత్తిడి తగ్గుతుంది. ధమనుల పనితీరును మెరుగుపరచడంలో వాకింగ్ సహాయపడుతుంది. ఊబకాయం గుండె, రక్తనాళాలపై ఒత్తిడిని కలిగించే ఒక కారణం. వాకింగ్ బరువును నియంత్రణలో ఉంచుకోవడానికి సహాయపడుతుంది. దీని వల్ల గుండె జబ్బుల ప్రమాదం తగ్గుతుంది.
వాకింగ్ చేయడం వల్ల మానసిక ఒత్తిడి తగ్గుతుంది, దీని వల్ల బ్లడ్ ప్రెజర్ కంట్రోల్ లో ఉంటుంది. డయాబెటిస్ ఉన్నవారికి ఇన్సులిన్ సెన్సిటివిటీని మెరుగుపరచడంలో వాకింగ్ సహాయపడుతుంది. దీని వల్ల రక్తంలో చక్కెర స్థాయిలు నియంత్రణలోకి వస్తాయి, దీని వల్ల హై బ్లడ్ ప్రెజర్ ప్రమాదం తగ్గుతుంది. మానసిక ఒత్తిడి, డయాబెటిస్, ఊబకాయం వంటి బ్లడ్ ప్రెజర్ ను పెంచే కారకాలను తగ్గించడంలో వాకింగ్ చాలా ప్రభావవంతంగా పనిచేస్తుంది.
55
ఎంతసేపు వాకింగ్ చేయాలి?
ప్రారంభంలో 10 నుండి 15 నిమిషాలు నడిస్తే సరిపోతుంది. క్రమంగా మీ వేగం, దూరాన్ని పెంచుకుంటూ 30 నిమిషాల వరకు నడవచ్చు. క్రమంగా మీ వేగం, సమయాన్ని పెంచుకోవచ్చు. నడుస్తున్నప్పుడు మీ భంగిమను గమనించడం చాలా ముఖ్యం. తల వంచుకుని నడవకూడదు. నిటారుగా, ముందుకు చూస్తూ నడవాలి. నడుస్తున్నప్పుడు చేతులను ఊపుతూ నడవడం మంచిది.
