Chanakya Niti: చాణక్యుడి ప్రకారం కొన్ని ప్రదేశాలకు వెళ్లి తిరిగి వస్తున్నప్పుడు.. మళ్లీ వెనక్కి తిరిగి చూడకూడదట. అలా చూడటం వల్ల లేనిపోని సమస్యలు వస్తాయి. ఆ ప్రదేశాలు ఏంటో ఇప్పుడు చూద్దాం...
భారతదేశ గొప్ప పండితుల్లో చాణక్యుడు ముందు వరసలో ఉంటాడు. జీవితంలో గొప్ప స్థాయికి వెళ్లాలంటే.. చాణక్యుడి నియమాలు పాటించాలి.చాణక్య నీతి ప్రకారం.. కొన్ని ప్రదేశాలకు వెళ్లినప్పుడు పొరపాటున కూడా వెనక్కి తిరిగి చూడకూడదట. మరి, ఆ ప్రదేశాలు ఏంటి..? వాటిని వెనక్కి తిరిగి ఎందుకు చూడకూడదు? చూస్తే ఎలాంటి నష్టాలు కలుగుతాయి..? చాణక్యుడు చెప్పిన మాటలో అర్థమేంటి?
24
స్మశానం, అంత్యక్రియల నుండి తిరిగి వస్తున్నప్పుడు..
చాణక్యుడి ప్రకారం, ఎవరి అంత్యక్రియల కోసం అయినా స్మశానవాటికకు వెళితే... కార్యక్రమం చూసి వచ్చేయాలి. వెనక్కి తిరిగి మళ్లీ చూడకూడదు. స్మశానవాటికను దుఖం, విరహాన్ని ప్రతీకగా భావిస్తారు. అక్కడి నుంచి బయలు దేరినప్పుడు తర్వాత వెనక్కి తిరిగి చూడటం వల్ల ఆ దుఖం, విరహం, బాధ అన్నీ మనల్ని కూడా ఆవహించే ప్రమాదం ఉంది. అంతేకాదు.. నెగిటివ్ ఎనర్జీని వెంటపెట్టుకున్నట్లే అవుతుంది. మన కుటుంబంలోని సభ్యులు చనిపోయినా సరే.. వెనక్కి తిరిగి చూడకూడదు. దీని వల్ల వారిపై ప్రేమ, బంధం వదులుకోలేం. మనసంతా గందరగోళం గా కూడా ఉంటుంది. అందుకే వెనక్కి తిరిగి చూడకూడదు.
34
ఎవరికైనా అప్పు ఇచ్చినా, ఏదైనా సహాయం చేసినా...
అవసరంలో ఉన్నవారికి సహాయం చేయాల్సిన అవసరం రావచ్చు. లేదా.. డబ్బు అప్పుగా ఇవ్వాల్సి రావచ్చు. అయితే.. ఈ రెండు సమయాల్లో అంటే.. డబ్బు ఎవరికైనా అప్పుగా ఇచ్చినా లేదా.. సహాయం చేసినా వెనక్కి తిరిగి చూడకూడదు. తిరిగి వెనక్కి చూడటం వల్ల.. మన డబ్బుపై మనకు ఆశ పోలేదని అర్థం. అలా.. ఆ డబ్బుపై ఆశ పెట్టుకొని చేసిన సహాయం వల్ల ఎలాంటి ఉపయోగం ఉండదు. చేసిన సహాయానికి అర్థం ఉండదు. మనం చేసిన సహాయానికి అర్థం లేకుండాపోతుంది.
ఏదైనా కోర్టు కేసు, లేదా పంచాయతీ లేదా ఇంకేదైనా గొడవ జరిగిన ప్రదేశానికి వెళితే.. అక్కడి నుంచి తిరిగి మళ్లీ వెనక్కి చూడకూడదు. గొడవ చూసినా లేదా గొడవను పరిష్కరించిన తర్వాత అయినా కూడా వెనక్కి తిరిగి చూడటం మంచిది కాదు. ఒక్కసారి వెనక్కి తిరిగి చూసినా ఆ గొడవకు సంబంధించిన విషయాలు మనల్ని వదిలిపెట్టవు. దీని వల్ల.. ఆ నెగిటివ్ ఎనర్జీని మన వెంటే తీసుకొని వచ్చినవాళ్లం అవుతాం. పాత వివాదాలను మనసులో పెట్టుకుంటే.. మనకు ప్రశాంతత దొరకదు. అందుకే.. ఆ పొరపాటు ఎప్పుడూ చేయకూడదు.
దుష్టులను కలిసినప్పుడు...
అసూయతో రగిలిపోయేవాళ్లు, ఇతరులను మోసం చేసేవారిని కలిసిన్పుడు.. వారి ఇంటికి వెళ్లినప్పుడు మళ్లీ వెనక్కి తిరిగి చూడకూడదు. అటువంటి వ్యక్తులను కనీసం కలవడం కూడా మంచిది కాదు. పొరపాటున కలవాల్సి వచ్చినా కూడా మళ్లీ వారివైపు తిరిగి చూడకూడదు. వారి లక్షణాలు మీకు కూడా వచ్చే అవకాశం ఉంది. వీలైనంత వరకు ఇలాంటి వ్యక్తులకు దూరంగా ఉండాలి అని చాణక్యుడు చెబుతున్నాడు.
