గుడ్లను మరీ ఎక్కువగా తింటున్నరా? ఈ సమస్యలొస్తయ్ జాగ్రత్త..

egg

గుడ్లను ఇష్టపడని వారు చాలా మందే ఉంటారు. గుడ్లను రకరకాల వండుకుని రోజూ తింటుంటారు కొందురు. ఆరోగ్యంగా ఉండటానికి ప్రతిరోజూ గుడ్లను తినాలని ఆరోగ్య నిపుణులు, డాక్టర్లు చెబుతుంటారు. గుడ్లు ప్రోటీన్ కు మంచి వనరు. ఒక గుడ్డులో సుమారుగా 7 గ్రాముల అధిక-నాణ్యతకలిగిన ప్రోటీన్, 5 గ్రాముల మంచి కొవ్వుతో పాటుగా ఖనిజాలు, విటమిన్లు, ఇనుము వంటి ఎన్నో రకాల సూక్ష్మపోషకాలు పుష్కలంగా ఉంటాయి. రోజూ ఒక ఉడకబెట్టిన గుడ్డును తింటే మన శరీరంలో పోషకాల లోపమనేదే ఉండదు. 

ఆరోగ్య నిపుణుల ప్రకారం.. గుడ్లు మన ఆరోగ్యానికి మంచే చేస్తాయి. అయినప్పటికీ.. వీటిని మరీ ఎక్కువగా తింటే కొన్ని అనారోగ్య సమస్యలను ఎదుర్కోవాల్సి ఉంటుంది. నిపుణుల ప్రకారం.. గుడ్లను ఎక్కువగా తింటే మీ జీర్ణవ్యవస్థపై ప్రతికూల ప్రభావం పడుతుంది. దీనివల్ల భరించలేని కడుపు నొప్పి వస్తుంది. గుడ్లను తింటే మీకు ఎలాంటి అలెర్జీ వచ్చినా.. మీరు గుడ్లకు దూరంగా ఉండటమే మేలు. ఎందుకంటే ఇది  సమస్యలను మరింత పెంచుతుంది. 

గుడ్ల ప్రయోజనాలను పొందాలనుకుంటే వీటిని లిమిట్ లోనే తినాలి. కానీ చాలా మంది గుడ్లను మరీ ఎక్కువగా తింటుంటారు. ముఖ్యంగా పచ్చసొనను. ఇలా తినడం వల్ల బాగా బరువు పెరిగిపోతారు తెలుసా. నిపుణుల అభిప్రాయం ప్రకారం.. గుడ్డులోని పచ్చసొనలో కొవ్వు ఎక్కువగా ఉంటుంది. అందుకే వీటిని ఎక్కువగా తింటే శరీరంలో కొవ్వు పేరుకుపోతుందని అధ్యయనాలు చెబుతున్నాయి.

అంతేకాదు గుడ్లలో ఏవి తింటున్నారో కూడా తెలుసుకోవడం చాలా ముఖ్యం. ఎందుకంటే కొన్ని ఆహారాలను గుడ్లతో అస్సలు తినకూడదు. అలాగే ఎన్ని గుడ్లను తింటున్నారో చూసుకోవాలి. అమృతం విషం అన్న సంగతి తెలిసే ఉంటుంది. గుడ్లు ఆరోగ్యానికి మంచివే అయినా.. ఎక్కువగా తీసుకుంటే మీకు ఎన్నో సమస్యలు వచ్చేలా చేస్తుంది. 

ఆరోగ్య నిపుణుల అభిప్రాయం ప్రకారం.. ఆరోగ్యకరమైన సమతుల్య ఆహారంలో భాగంగా.. ప్రతిరోజూ ఒక ఉడకబెట్టిన గుడ్డు తినడం సురక్షితం. అయితే గుండె జబ్బులు లేదా అధిక కొలెస్ట్రాల్ ఉన్నవారు వారానికి మూడు గుడ్లును మాత్రమే తీసుకోవాలని నిపుణులు చెబుతున్నారు.