మెట్లు ఎక్కడం కూడా ఒక వ్యాయామమేనా? దీనితోం ఏం లాభాలుంటాయని చాలా మంది అనుకుంటారు. నిజానికి మెట్లు ఎక్కడం గొప్ప విషయం. ఎందుకంటే ఇది మీకు గుండె జబ్బుల రిస్క్ ను తగ్గించడం నుంచి రాత్రిళ్లు మీరు ప్రశాంతంగా పడుకోవడం వరకు ఎన్నో ప్రయోజనాలను కలిగిస్తుంది.
మారుతున్న మన జీవనశైలి, పూర్తిగా మారిపోయిన మన ఆహారపు అలవాట్లే మనల్ని ఎన్నో రోగాల బారిన పడేస్తున్నాయి. ఈ కాలంలో ఆరోగ్యంగా ఉంటడం సవాలే మరి. ఇక చాలా మంది ఆరోగ్యంగా, ఫిట్ గా ఉండేందుకు ప్రతి రోజూ జిమ్ కు వెళుతుంటారు. కానీ బిజీ లైఫ్ స్టైల్ వల్ల మరికొంతమందికి జిమ్ కు వెళ్లే సమయం ఉండదు. కానీ పైసా ఖర్చు లేకుండా మీరు ఆరోగ్యంగా ఉండే మార్గం ఒకటి ఉంది. ఏంటంటే?
మీరు అన్ని విధాలా ఆరోగ్యంగా ఉండాలంటే మీ రోజువారీ అలవాట్లలో ఒక చిన్న మార్పు చేసుకోవాలి. అదేంటంటే? ఎస్కలేటర్లు, ఎలివేటర్లకు బదులు మెట్ల వెంటన నడుచుకుంటూ వెళ్లండి. మెట్లను ఎక్కడం నా వల్ల కాదు అనే ముచ్చటను మర్చిపోండి. ఎందుకంటే మెట్లను ఎక్కడం వల్ల మీ ఆరోగ్యానికి ఎన్నో ప్రయోజనాలు కలుగుతాయి. అయితే మీరు మెట్లు ఎక్కేటప్పుడు పడిపోకుండా, నడుము, కాళ్లలో నొప్పి లేకుండా ఉండేందుకు సౌకర్యవంతమైన పాదరక్షలు ధరించండి. మరి మెట్లను ఎక్కడం వల్ల ఎలాంటి ప్రయోజనాలు కలుగుతాయో ఇప్పుడు తెలుసుకుందాం.
గుండె ఆరోగ్యం
మెట్లను ఎక్కడం వల్ల మీ శరీరంలో పేరుకుపోయిన చెడు కొలెస్ట్రాల్ తగ్గుతుంది. దీంతో మీ గుండె ఆరోగ్యంగా ఉంటుంది. గుండె జబ్బుల ముప్పు కూడా తప్పుతుంది. అలాగే రక్త ప్రసరణ కూడా పెరుగుతుంది. చెడు కొలెస్ట్రాల్ గుండె జబ్బులను మాత్రమే కాదు మిమ్మల్ని మధుమేహం బారిన కూడా పడేస్తుంది. మెట్లను ఎక్కితే డయాబెటిస్ రిస్క్ కూడా తగ్గుతుంది.
నిద్ర
మెట్లను ఎక్కడం వల్ల మీరు రోజంతా శరీరం రిలాక్స్ గా ఉంటారు. మీ మానసిక ఆరోగ్యం కూడా బేషుగ్గా ఉంటుంది. దీంతో మీరు రాత్రిళ్లు ఎలాంటి డిస్టబెన్స్ లేకుండా ప్రశాతంగా పడుకుంటారు. మెట్లను ఎక్కే అలవాటు నిద్రలేమి సమస్యను కూడా పోగొడుతుంది.
మానసిక ఆరోగ్యానికి మేలు
వ్యాయామం చేయడం వల్ల మన శరీరంలో సంతోషకరమైన హార్మోన్లు విడుదల అవుతాయి. మీకు తెలుసా? మెట్లను ఎక్కడం వల్ల ఎండార్ఫిన్లు రిలీజ్ అవుతాయి. దీంతో మనకు మంచి అనుభూతి కలుగుతుంది. అలాగే మెట్లు ఎక్కడం వల్ల మన మొత్తం శరీరం ఆరోగ్యంగా ఉంటుంది. అలాగే మీరు ఉత్సాహంగా ఉంటారు. మీ మానసిక ఆరోగ్యం బాగుంటుంది.
కీళ్లు బలోపేతం
మెట్లను ఎక్కడం వల్ల కండరాలు బలపడతాయి. మెట్లు ఎక్కేటప్పుడు కాళ్లు, తొడలు, తుంటి, మోకాళ్ల కండరాలను ఉపయోగిస్తాం. దీంతో అవి బలంగా మారుతాయి. మెట్లు ఎక్కడం కూడా సమతుల్యతను పెంచుతుంది. ఆస్టియో ఆర్థరైటిస్ అవకాశాలను కూడా తగ్గిస్తుంది. శారీరక శ్రమ లేకపోవడం వల్ల కీళ్ల సమస్యలు వస్తాయి.
బరువు తగ్గడం
ఆరోగ్యంగా ఉండాలంటే ఆరోగ్యకరమైన బరువును కలిగి ఉండాలి. అయితే మెట్లను ఎక్కడం వల్ల కేలరీలు బాగా ఖర్చవుతాయి. అలాగే బరువును మెయింటైన్ చేస్తుంది. ప్రతిరోజూ అరగంట సేపు మెట్లు ఎక్కడం వల్ల బరువు తగ్గుతారని నిపుణులు చెబుతున్నారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి