ప్రస్తుత కాలంలో గుండెజబ్బుల బారిన పడుతున్న వారి సంఖ్య విపరీతంగా పెరిగిపోతోంది. పెద్దలు, మధ్యవయస్కులే కాకుండా యువత, చిన్న పిల్లలు కూడా దీనిబారిన పడుతున్నారు. ప్రపంచ వ్యాప్తంగా ఎక్కువ మంది గుండెపోటుతో చనిపోతున్నారని సర్వేలు వెల్లడిస్తున్నాయి. కొంత కాలంగా దేశంలోని వివిధ ప్రాంతాల్లో గుండెపోటు, కార్డియాక్ అరెస్ట్ కేసులు బాగా నమోదవుతున్నాయి. ఇలాంటి వీడియోలు తరచూ సోషల్ మీడియాలో కనిపిస్తూనే ఉంటాయి. అందులో గుండెపోటుతో చాలా మంది అకస్మాత్తుగా మరణిస్తున్నారు. ముఖ్యంగా వర్కవుట్ల సమయంలో గుండెపోటు కేసులు కొన్నేళ్లుగా వేగంగా పెరుగుతున్నాయి.