బుగ్గల్లో డింపుల్ అందం.. అదేనండీ దాని మర్మం

అమ్మాయిల లేత బుగ్గలపై ఉండే డింపుల్ వాళ్లని మరింత అందంగా కనిపించేలా చేస్తుందన్నది కాదనలేని నిజం. ఇలా ఉన్నవారిని  అదృష్టవంతులని కూడా అంటుంటారు. కానీ బుగ్గలే కాకుండా శరీరంలోని ఇతర భాగాల్లో కూడా డింపుల్స్ ఉంటాయనే విషయం మీకు తెలుసా? వాటి వెనుక కారణం ఏమిటో తెలుసుకోండి మరి.   

బుగ్గలే కాదు, ఇక్కడ కూడా డింపుల్స్ ఉంటాయి

ముఖంపై డింపుల్స్ చిరునవ్వుకు అందాన్నిస్తాయి: డింపుల్స్ ఉన్న అమ్మాయిలు నవ్వితే ఇంకా అందంగా కనిపిస్తారు. కవులు ఈ చెక్కిళ్లలోని డింపుల్స్ గురించి ఎన్నో కవితలు రాశారు. అందుకే కొంతమంది తమకూ డింపుల్స్ ఉంటే బాగుండు అనుకుంటారు. చాలామంది వీటి కోసం సర్జరీలు కూడా చేయించుకుంటారు. ముఖంపై డింపుల్స్ రావడానికి కారణం జన్యువులే కాదు, కండరాల నిర్మాణం కూడా ముఖ్యం. ప్రపంచవ్యాప్తంగా చాలామంది సెలబ్రిటీలు తమ డింపుల్స్ తో అభిమానులను మైమరిపిస్తున్నారు. 

బుగ్గల్లో ఒక కండరం చిన్నగా ఉంటే డింపుల్స్ ఏర్పడతాయి అంటారు. ఈ కండరాన్ని జైగోమాటికస్ అంటారు. ఈ కండరం విడిపోయినా లేదా చిన్నగా ఉన్నా డింపుల్స్ ఏర్పడతాయి.  

శరీరంలో ఎక్కడెక్కడ డింపుల్స్ ఏర్పడతాయి?

బుగ్గలే కాకుండా గడ్డం మీద కూడా డింపుల్స్ ఏర్పడతాయి. గడ్డం మీద డింపుల్స్ జన్యుపరంగా రావు. అక్కడ ఎముకలు కలవకపోవడం వల్ల ఏర్పడతాయి. 

కొన్నిసార్లు గర్భంలో ఉన్నప్పుడు గడ్డంలోని ఎడమ, కుడి ఎముకలు కలవవు. దీనివల్ల డింపుల్  ఏర్పడుతుంది. బుగ్గలు, గడ్డం తప్ప శరీరంలో ఇంకెక్కడా ఇవి ఏర్పడవు.