కోమలమైన చర్మ సౌందర్యం కోసం హోమ్ రెమెడీస్.. ఇవి పాటిస్తే అందమే అందం!

నలుగురిలో అందంగా కనిపించాలని అందరి తపన. ఇందుకోసం ఎక్కువ మొత్తంలో బ్యూటీ ప్రొడక్ట్స్ (Beauty Products) ను ఉపయోగిస్తుంటారు.  

ఇవి చర్మ సౌందర్యానికి తాత్కాలిక మెరుపులను అందించి చర్మ సహజ సౌందర్యాన్ని దెబ్బతీస్తాయి. కనుక వీటికి బదులుగా ఇంటిలోనే కొన్ని సహజసిద్ధమైన హోం రెమెడీస్ (Home Remedies) ను ప్రయత్నిస్తే మంచి ఫలితం ఉంటుందని సౌందర్య నిపుణులు చెబుతున్నారు. మరి అవేంటో ఇప్పుడు మనం తెలుసుకుందాం..

చర్మ సౌందర్యం కోసం ఉపయోగించే ఖరీదైన బ్యూటీ ప్రొడక్ట్స్ లలో ఎక్కువ మొత్తంలో కెమికల్స్ (Chemicals) ఉంటాయి. ఇవి చర్మ సౌందర్యాన్ని దెబ్బతీస్తాయి. కనుక ఇంటిలోనే కొన్ని హోం రెమడీస్ ను ఉపయోగిస్తే ఇవి చర్మాన్ని లోపలి నుంచి శుభ్రపరచి చర్మాన్ని కోమలంగా మార్చి చర్మ సౌందర్యాన్ని (Skin beauty) సహజసిద్ధమైన పద్ధతిలో రెట్టింపు చేస్తాయి. వీటి ఉపయోగంతో చర్మానికి ఎటువంటి హాని కలగదు.

సెనగపిండి, పసుపు, పంచదార: ఒక కప్పులో రెండు స్పూన్ ల సెనగపిండి (Senaga pindi), కొద్దిగా పసుపు (Turmeric), ఒక స్పూన్ పంచదార (Sugar) వేసి బాగా కలుపుకోవాలి. ఇప్పుడు ఈ మిశ్రమాన్ని ముఖానికి అప్లై చేసుకుని ఆరాక నీటితో ముఖాన్ని శుభ్రపరుచుకోవాలి. ఇలా చేస్తే చర్మ రంధ్రాలు శుభ్రపడి చర్మాన్ని తాజాగా ఉంటుంది.

నిమ్మరసం, తులసి ఆకుల రసం: నిమ్మ, తులసి ఆకుల రసం చర్మ సౌందర్యాన్ని రెట్టింపు చేయడంలో మంచి ఫలితాలను అందిస్తాయి.  ఇందుకోసం నిమ్మరసం (Lemon juice), తులసి ఆకుల రసాన్ని (Basil leaf juice) సమపాళ్ళలో తీసుకొని బాగా కలుపుకొని ముఖానికి అప్లై చేసుకోవాలి. పదిహేను నిమిషాల తరువాత ముఖాన్ని నీటితో శుభ్రపరుచుకోవాలి.

టమోట గుజ్జు, పంచదార: టమోట, పంచదారలో  ముఖాన్ని తెల్లబరిచే బ్లీచింగ్ లక్షణాలు పుష్కలంగా ఉంటాయి. కనుక టమోట గుజ్జులో (Tomato pulp) కొద్దిగా పంచదారను (Sugar) కలిపి ముఖానికి అప్లై చేసుకుని ఇరవై నిమిషాల తరువాత ముఖాన్ని శుభ్రపరుచుకోవాలి. ఇలా చేస్తే ముఖం నలుపుదనం తగ్గి తెల్లగా మారుతుంది.

ఆలివ్ ఆయిల్, కాఫీ గింజల పొడి: ఆలివ్ ఆయిల్ (Olive oil) లో కొద్దిగా కాఫీ గింజల పొడిని (Coffee bean powder) కలిపి ముఖానికి సున్నితంగా రుద్దుకోవాలి. అరగంట తరువాత ముఖాన్ని గోరువెచ్చని నీటితో శుభ్రపరుచుకోవాలి. ఇలా చేస్తే చర్మ కణాలలో పేరుకుపోయిన మురికి తొలగిపోయి చర్మ రంధ్రాలు శుభ్రపడి చర్మ సౌందర్యం రెట్టింపు అవుతుంది.

కీరదోసకాయ రసం, కలబంద జ్యూస్: రెండు స్పూన్ ల కీరదోసకాయ రసానికి (Cucumber juice) ఒక స్పూన్ కలబంద జ్యూస్ (Aloevera juice) ను కలుపుకోవాలి. ఇప్పుడు ఈ మిశ్రమాన్ని దూదిపింజలా సహాయంతో ముఖానికి అప్లై చేసుకుని ఆరాక చల్లటి నీటితో ముఖాన్ని శుభ్రపరుచుకోవాలి. ఇలా వారంలో రెండు మూడు సార్లు చేస్తే చర్మం కాంతివంతంగా మారుతుంది.
మాన్ని ముఖానికి (Face), శరీరానికి (Body) అప్లై చేసుకోవాలి. అర గంట తర్వాత నీటితో శుభ్రపరుచుకోవాలి. ఈ ఫేస్ ప్యాక్ ఎండ కారణంగా దెబ్బతిన్న చర్మ సౌందర్యాన్ని పెంచడానికి సహాయపడుతుంది. చర్మాన్ని ఆరోగ్యంగా కాంతివంతంగా ఉంచుతుంది.  

బొప్పాయి గుజ్జు, తేనె, పచ్చి పాలు: ఒక కప్పులో అర కప్పు బొప్పాయి గుజ్జు (Papaya pulp), ఒక టేబుల్ స్పూన్ తేనె (Honey), రెండు టీ స్పూన్ ల పచ్చి పాలను (Milk) వేసి బాగా కలుపుకోవాలి. ఇప్పుడు ఈ మిశ్రమాన్ని ముఖానికి అప్లై చేసుకుని ఇరవై నిమిషాల తరువాత చల్లటి నీటితో శుభ్రపరుచుకోవాలి. ఇలా వారానికి రెండు మూడుసార్లు చేస్తే పొడి చర్మ సమస్యలు తగ్గి చర్మం కోమలంగా మారుతుంది.