కాకరకాయ వంటి చేదుగా ఉన్న కొన్ని ఆహారాలను చాలా మంది తినరు. కానీ ఈ ఫుడ్స్ మనల్ని ఎన్నో రోగాలకు దూరంగా ఉంచుతాయి. ఆరోగ్యంగా ఉండటానికి చేదుగా ఉన్నా.. ఖచ్చితంగా తినాల్సిన కొన్ని ఆహారాల గురించి ఇప్పుడు తెలుసుకుందాం పదండి.
మనలో చాలా మంది చేదుగా ఉన్న ఫుడ్స్ ను అస్సలు తినరు. ఎందుకంటే ఇవి నోటినంతా చేదుగా చేస్తాయని. అవి ఎంత హెల్తీవైనా పక్కన పెట్టేస్తుంటారు. కానీ చేదు ఆహారాల్లో పోషకాలు పుష్కలంగా ఉంటాయి. ఇవి మన ఆరోగ్యాన్ని కాపాడుతాయి. అందుకే చేదుగా ఉన్నా.. తినాల్సిన ఆహారాల గురించి ఇప్పుడు తెలుసుకుందాం పదండి.
కాకరకాయ
కాకరకాయ చేదుగా ఉంటుంది. అందుకే కొంతమంది దీన్ని అస్సలు తినరు. కానీ కాకరకాయ మన ఆరోగ్యానికి ఎంతో మేలు చేస్తుంది. ఈ చేదు కూరగాయలో ఐరన్, పొటాషియం, విటమిన్ ఎ, విటమిన్ సి, మెగ్నీషియం, ఫోలేట్, జింక్, ఫాస్పరస్, మాంగనీస్, డైటరీ ఫైబర్స్, కాల్షియం మెండుగా ఉంటాయి. కాకరకాయను తింటే మన ఇమ్యూనిటీ పవర్ పెరగడంతో పాటుగా కళ్లు, కాలెయం ఆరోగ్యంగా ఉంటాయి. ఈ కూరగాయ మధుమేహాన్ని నియంత్రించడానికి, జీర్ణక్రియను మెరుగుపరచడానికి సహాయపడుతుంది.
ఉసిరి
ఉసిరి ఒగరుగా, కాస్త చేదుగా ఉంటుంది. కానీ దీనిలో విటమిన్ సి, ఇతర యాంటీఆక్సిడెంట్లు సమృద్ధిగా ఉంటాయి. ఉసిరికాయ మన ఆరోగ్యానికి ఎన్నో ప్రయోజనాలను కలిగిస్తుంది. దీన్ని తింటే మన రోగనిరోధక శక్తి పెరగడంతో పాటుగా.. చర్మం కూడా హెల్తీగా ఉంటుంది. ఇది జుట్టుకు కూడా ప్రయోజనకరంగా ఉంటుంది.
మెంతులు
మెంతులు కూడా చేదుగానే ఉంటాయి. కానీ ఇవి మన ఆరోగ్యానికి ఎంతో మేలు చేస్తాయి. మెంతుల్లో ఫైబర్, విటమిన్లు, ఖనిజాలు సమృద్ధిగా ఉంటాయి. మెంతులను మధుమేహాన్ని నియంత్రించడానికి ఉపయోగించొచ్చు. వీటిని తినడం వల్ల శరీరంలో కొలెస్ట్రాల్ స్థాయిలు తగ్గుతాయి.
పసుపు
పసుపు ఎన్నో ఔషదగుణాలున్న మసాలా దినుసు. పసుపులో కర్కుమిన్ అనే సమ్మేళనం ఉంటుంది. ఇది కూడా మన ఆరోగ్యానికి మంచి మేలు చేస్తుంది.
వేప ఆకులు
వేప ఆకులు కూడా ఎన్నో ఔషదగుణాలను కలిగి ఉంటాయి. ఈ ఆకుల్లో యాంటీ ఆక్సిడెంట్లు, ఇతర ముఖ్యమైన పోషకాలు పుష్కలంగా ఉంటాయి. ఇవి మన జీర్ణక్రియను మెరుగుపరచడానికి, రోగనిరోధక శక్తిని పెంచడానికి సహాయపడతాయి.
పనస పండు
పనస పండు పుల్లగా, చేదుగా, తీయగా ఉంటుంది. కొంతమంది దీనిని తినడానికి కూడా ఇష్టపడరు. కానీ ఈ పండులో యాంటీఆక్సిడెంట్లు, విటమిన్లు సమృద్ధిగా ఉంటాయి. ఈ పండును తింటే మీరు హెల్తీగా ఉంటారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి