కొబ్బరి నూనెను జుట్టుకు, చర్మానికి మాత్రమే కాదు.. వంటల్లో కూడా ఉపయోగిస్తారు. ఇది వంటలను టేస్టీగా చేయడమే కాదు.. మన ఆరోగ్యానికి కూడా ఎంతో మేలు చేస్తుంది. అయితే కొబ్బరి నూనెతో కాల్చిన దోశను తింటే ఏమౌతుందో తెలుసా?
కొబ్బరి నూనెలో ఎన్నో ఔషదగుణాలుంటాయి. ఈ నూనెలో మన శరీరానికి అవసరమైన ఎన్నో రకాల పోషకాలుంటాయి. ఇవి మనల్ని ఎన్నో అనారోగ్య సమస్యలను తగ్గించడానికి సహాయపడతాయి.
కొబ్బరి నూనె జుట్టుకు మంచి పోషణను అందిస్తుంది. అలాగే జుట్టును బలంగా, పొడుగ్గా పెరిగేలా చేస్తుంది. అంతేకాదు ఇది మన శరీరానికి కూడా మంచి ప్రయోజనకరంగా ఉంటుంది. అందుకే దీన్ని రోజువారి ఆహారంతో తినేవారున్నారు.
అయితే చాలా మంది దోశలను కాల్చడానికి వంట నూనెలను ఉపయోగిస్తుంటారు. కానీ వీటికి బదులుగా మీరు కొబ్బరి నూనెతో దోశను కాల్చి తింటే ఎన్ని ప్రయోజనాలను పొందుతారో తెలుసా? అసలు కొబ్బరి నూనెతో కాల్చిన దోశలను తింటే మన శరీరానికి కలిగే ఆరోగ్య ప్రయోజనాలేంటో ఇప్పుడు తెలుసుకుందాం పదండి.
బరువు తగ్గుతారు
ఈ రోజుల్లో పిల్లల నుంచి పెద్దల వరకు ప్రతి ఒక్కరూ ఓవర్ వెయిట్ తో బాధపడుతున్నారు. ఇక బరువును తగ్గించుకోవడానికి ఫుడ్ ను తగ్గించడం, వ్యాయామం చేయడం, అన్నాన్ని తినకపోవడం వంటి ఎన్నో రకాల డైట్ లను ఫాలో అవుతుంటారు.
అయితే బరువు తగ్గాలనుకునే వారికి కొబ్బరి నూనె బాగా సహాయపడుతుంది. కొబ్బరి నూనెలో ట్రైగ్లిజరైడ్ అనే ఒక రకమైన కొవ్వు ఉంటుంది. ఇది మీ శరీరంలో ఎక్కువ కేలరీలు బర్న్ అయ్యేలా చేస్తుంది. అందుకే కొబ్బరి నూనెతో కాల్చిన దోశను తింటే మీరు ఎంచక్కా బరువు తగ్గుతారు.
ఇమ్యూనిటీ పవర్
మనం ఎలాంటి జబ్బులు రాకుండా హెల్తీగా ఉండాలంటే రోగనిరోధక శక్తి ఎక్కువగా ఉండాలి. ఇది తక్కువగా ఉంటేనే లేనిపోని రోగాలు వస్తాయి. అయితే కొబ్బరి నూనె లారిక్ యాసిడ్ యాంటీ బ్యాక్టీరియల్ లక్షణాలు పుష్కలంగా ఉంటాయి. ఇది జబ్బులకు కారణమయ్యే సూక్ష్మక్రిములతో పోరాడుతుంది. మీరు గనుక కొబ్బరినూనెతో కాల్చిన దోశను తింటే మీ ఇమ్యూనిటీ పవర్ బాగా పెరుగుతుంది.
బలమైన ఎముకలు
కొబ్బరి నూనె మన ఎముకలకు కూడా ప్రయోజనకరంగా ఉంటుంది. కొబ్బరి నూనె ఎముకల్ని ఆరోగ్యంగా ఉంచడానికి అవసరమైన కాల్షియం, విటమిన్ డి వంటి పోషకాలను గ్రహించడానికి బాగా సహాయపడుతుంది. మీరు దీన్ని తింటే మీ ఎముకలు బలంగా, వ్యాధులు రాకుండా ఉంటాయి.
గుండె ఆరోగ్యం
ఈ రోజుల్లో చాలా మంది గుండె జబ్బుల బారిన పడుతున్నారు. ఆరోగ్య నిపుణుల ప్రకారం.. కొబ్బరినూనె గుండెను ఆరోగ్యంగా ఉంచడానికి, గుండె జబ్బుల ప్రమాదాన్ని తగ్గించడానికి బాగా సహాయపడుతుంది. కొబ్బరి నూనెలో ఉండే లారిక్ యాసిడ్ మీ శరీరంలో మంచి కొలెస్ట్రాల్ స్థాయిని పెంచి చెడు కొలెస్ట్రాల్ స్థాయిని తగ్గిస్తుంది. ఇది గుండె జబ్బుల చాలా వరకు ప్రమాదాన్ని తగ్గిస్తుంది.
పోషకాలు
కొబ్బరి నూనెలో మన శరీరానికి అవసరమైన ఎన్నో రకాల పోషకాలు పుష్కలంగా ఉంటాయి. ముఖ్యంగా దీంట్లో విటమిన్ సి, విటమిన్ ఇ, విటమిన్ బి, విటమిన్ బి 3, విటమిన్ బి 5, విటమిన్ బి 6, ఐరన్, కాల్షియం, మెగ్నీషియం, ఫాస్పరస్ వంటి పోషకాలు, ఖనిజాలు మెండుగా ఉంటాయి. ఇవి మీ మొత్తం శరీరాన్ని ఆరోగ్యంగా ఉంచుతాయి.