పరగడుపున లెమన్ వాటర్ నెల రోజులు తాగితే ఏమౌతుంది?

  నెల రోజుల పాటు తాగితే మన శరీరంలో ఎలాంటి మార్పులు జరుగుతాయి..? మన ఆరోగ్యానికి మంచిదేనా కాదా అనే విషయం ఇప్పుడు తెలుసుకుందాం..  

lemon water

లెమన్ వాటర్ మన ఆరోగ్యానికి చాలా మేలు చేస్తుంది. ఇందులో ఎలాంటి సందేహం అక్కర్లేదు. రుచికి రుచి, ఆరోగ్యానికి ఆరోగ్యం అందిస్తుంది. అందుకే..ఎక్కువ మంది ఈ డ్రింక్ తాగడానికి ఇష్టపడతారు. ముఖ్యంగా ఎండాకాలంలో రెగ్యులర్ గా తాగేవారు కూడా ఉంటారు. నిమ్మకాయలో విటమిన్ సి పుష్కలంగా ఉంటుంది. అంతేకాదు యాంటీ ఆక్సిడెంట్స్ కూడా పుష్కలంగా ఉంటాయి. ఆరోగ్యానికి అనేక విధాలుగా మేలు చేయడమే కాకుండా.. శరీరాన్ని హైడ్రేటెడ్ గా ఉంచడంలోనూ సహాయం చేస్తుంది. 

నార్మల్ గా నిమ్మకాయ నీళ్లు పంచదార వేసుకొని కాకుండా..గోరువెచ్చని నీటిలో నిమ్మరసం పిండుకొని రోజూ ఉదయాన్నే పరగడుపున తాగాలట. మరి.. ఇలా రెగ్యులర్ గా నెల రోజుల పాటు తాగితే మన శరీరంలో ఎలాంటి మార్పులు జరుగుతాయి..? మన ఆరోగ్యానికి మంచిదేనా కాదా అనే విషయం ఇప్పుడు తెలుసుకుందాం..

గోరువెచ్చని నీటిలో నిమ్మరసం పిండుకొని నెల రోజులపాటు తాగితే జరిగేది ఇదే..

నిమ్మకాయ రసం పరగడుపున తీసుకోవడం వల్ల మన శరీరంలో సంతోషకరమైన హార్మోన్ల స్థాయిని పెంచుతుంది. అంతేకాదు.. మీకు ఉన్న ఒత్తిడిని తగ్గిస్తుంది. మీరు శక్తివంతంగా  భావిస్తారు.  మీ మానసిక స్థితి కూడా మెరుగుపడుతుంది.అంతేకాదు మీ జీవక్రియ  మెరుగుపడుతుంది. ఈజీగా బరువు తగ్గడానికి కూడా సహాయపడుతుంది. నెల రోజుల పాటు రోజూ తాగడం వల్ల.. బెల్లీ ఫ్యాట్ కూడా తగ్గుతుంది.

1 నెల పాటు ఖాళీ కడుపుతో నిరంతరం నిమ్మరసం తాగడం వల్ల శరీరంలో పేరుకుపోయిన మలినాలు తొలగిపోయి శరీరం టాక్సిన్ ఫ్రీ అవుతుంది.

శరీరంలో పేరుకుపోయిన టాక్సిన్స్ వల్ల ముఖంపై మొటిమలు, మచ్చలు ఏర్పడి ముఖం మెరుపు కోల్పోవడం మొదలవుతుంది. అటువంటి పరిస్థితిలో, మీరు 1 నెల పాటు నిరంతరంగా ఈ పానీయం తాగితే, శరీరం నిర్విషీకరణ చెందుతుంది.ముఖం మెరుస్తుంది. తెలీకుండానే ముఖంలో అందం పెరుగుతుంది.

శరీరంలో పేరుకుపోయిన టాక్సిన్స్ ఆరోగ్యంపై ప్రభావం చూపుతాయి. ఇలాంటి పరిస్థితుల్లో గోరువెచ్చని నీళ్లలో నిమ్మరసం కలుపుకుని రోజూ ఖాళీ కడుపుతో తాగడం వల్ల శరీరాన్ని డిటాక్స్ చేసి ఆరోగ్యంగా ఉండొచ్చు. నిమ్మరసంలో ఉండే విటమిన్లు, ఖనిజాలు జీర్ణక్రియను మెరుగుపరుస్తాయి.1 నెల పాటు ఖాళీ కడుపుతో నిరంతరం నిమ్మరసం తాగడం వల్ల పొట్ట శుభ్రపడుతుంది.జీర్ణక్రియ మెరుగుపడుతుంది.

lemon water

ఈ నిమ్మరసాన్ని ఎలా తాగాలంటే…

1 గ్లాసు నీటిలో 1 నిమ్మకాయ రసాన్ని కలుపుకుని త్రాగాలి.

నీరు చాలా వేడిగా లేదా చల్లగా ఉండకూడదు.

చాలా మంది గోరువెచ్చని నీటిలో నిమ్మతో పాటు తేనె కూడా కలుపుతారు. ఇది చేయవద్దు.

రోజంతా 1 గ్లాసు కంటే ఎక్కువ నిమ్మ నీరు త్రాగవద్దు.

మీకు ఏదైనా ఆరోగ్య పరిస్థితి ఉంటే, ముందుగా వైద్యుడిని సంప్రదించండి.