Bangalore Biryani : బెంగళూరులో హైదరబాదీ బిర్యానీ తినాలనుందా? ఈ టాప్ 5 బిర్యానీ సెంటర్ల లిస్ట్ మీకోసమే

హైదరాబాద్ మాదిరిగానే బెంగళూరు కూడా బిర్యానీ ప్రియులకు ఓ స్వర్గధామం. స్పైసీ హైదరబాదీ స్టైల్ బిర్యానీ నుంచి ట్రెడిషనల్ దొన్నె బిర్యానీ వరకు.. బెంగళూరులో మీరు అస్సలు మిస్ కాకూడని 5 ఫేమస్ బిర్యానీ రెస్టారెంట్ల లిస్ట్ ఇదిగో..

1. నందన ప్యాలెస్ (Nandhana Palace)

ఘాటైన హైదరాబాద్ స్టైల్ బిర్యానీకి ఈ రెస్టారెంట్ చాలా ఫేమస్. నోరూరించే స్పైసీ ఫుడ్ ఇష్టపడేవాళ్లు ఇక్కడ తప్పకుండా ట్రై చేయాలి.

• ప్రధాన వంటకం: చికెన్ బోన్‌లెస్ 555 బిర్యానీ (Chicken Boneless 555 Biryani), హైదరాబాద్ స్టైల్ స్పైసీ బిర్యానీలు.
• లొకేషన్: బెంగళూరు నగరం అంతటా బ్రాంచ్‌లు ఉన్నాయి.
• సమయం: ఉదయం 11:30 నుంచి రాత్రి 11:00 వరకు.

2. శివాజీ మిలిటరీ హోటల్ (Shivaji Military Hotel)

బెంగళూరు ట్రెడిషనల్ రుచి చూడాలనుకునేవాళ్లు జయనగర్ ‌లోని ఈ చారిత్రక హోటల్‌కు వెళ్లొచ్చు. ఇక్కడ విస్తరాకుల్లో (దొన్నెలో (Donne)) ఇచ్చే బిర్యానీ ప్రపంచ ప్రసిద్ధి చెందింది.

• ప్రధాన వంటకం: చికెన్ లేదా మటన్ దొన్నె బిర్యానీ (Donne Biryani).
• లొకేషన్: జయనగర్ (Jayanagar).
• సమయం: ఉదయం 08:00 నుంచి మధ్యాహ్నం 03:30 వరకు (సోమవారం సెలవు).

3. ఎంపైర్ రెస్టారెంట్ (Empire Restaurant)

రాత్రి పూట ఆకలేస్తే బెంగళూరు వాసుల మొదటి ఛాయిస్ ఎంపైర్ రెస్టారెంటే. సువాసనలు వెదజల్లే హైదరాబాదీ, నార్త్ ఇండియన్ బిర్యానీలకు ఈ రెస్టారెంట్ ఫేమస్.

• ప్రధాన వంటకం: గ్రిల్డ్ చికెన్ బిర్యానీ (Grilled Chicken Biryani),  హైదరబాదీ స్టైల్ చికెన్, మటన్ బిర్యానీ.
• లొకేషన్: నగరంలోని ప్రధాన ప్రాంతాల్లో చాలా బ్రాంచ్‌లు ఉన్నాయి.
• సమయం: ఉదయం 11:00 నుంచి తెల్లవారుజామున 02:30 వరకు.

4. మేఘన ఫుడ్స్ (Meghana Foods)

బెంగళూరు బిర్యానీ ప్రియుల 'ఆల్-టైమ్ ఫేవరెట్' స్పాట్ ఇది. నాన్-వెజ్ ప్రియులకే కాదు, వెజిటేరియన్స్‌కి కూడా ఇక్కడ అదిరిపోయే బిర్యానీ ఆప్షన్స్ ఉన్నాయి.

• ప్రధాన వంటకం: మేఘన స్పెషల్ బిర్యానీ (Meghana Special), బోన్‌లెస్ చికెన్ బిర్యానీ, వెజిటేరియన్ల కోసం మేఘన స్పెషల్ వెజిటబుల్ బిర్యానీ.
• లొకేషన్: నగరం అంతటా చాలా బ్రాంచ్‌లు ఉన్నాయి.
• సమయం: రోజూ మధ్యాహ్నం 11:30 నుంచి రాత్రి 01:00 వరకు.

5. ప్యారడైజ్ బిర్యానీ (Paradise Biryani)

బిర్యానీ అంటే హైదరాబాద్ దమ్ బిర్యానీనే… ఈ అభిప్రాయం ఉన్నవారికి బెంగళూరులో సరైన స్పాట్ 'ప్యారడైజ్'. బాస్మతి బియ్యం సువాసన, మసాలాల అసలైన రుచి ఇక్కడి బిర్యానీ స్పెషాలిటీ.

ప్రధాన వంటకం: హైదరాబాద్ చికెన్ దమ్ బిర్యానీ, హైదరాబాద్ మటన్ దమ్ బిర్యానీ. వీటితో పాటు ప్రత్యేకంగా 'గుత్తి వంకాయ బిర్యానీ' (Gutti Vankaya Biryani).

లొకేషన్: జేపీ నగర్, హెచ్‌ఎస్‌ఆర్ లేఅవుట్‌తో పాటు నగరంలోని చాలా ప్రాంతాల్లో బ్రాంచ్‌లు ఉన్నాయి.

సమయం: ఉదయం 11:00 నుంచి రాత్రి 11:00 లేదా అర్థరాత్రి 12:00 వరకు (బ్రాంచ్‌ను బట్టి మారుతుంది).

మీకు తెలుసా? : బెంగళూరులోని శివాజీ మిలిటరీ హోటల్ ఉదయం 8 గంటలకే తెరుచుకుంటుంది. బ్రేక్‌ఫాస్ట్‌లోనే బిర్యానీని అందిస్తూ, ఆ పాత సంప్రదాయాన్ని ఇప్పటికీ పాటిస్తోంది!