Tomato Chutney: గారెలకు కొబ్బరి, పల్లీ చట్నీ కాదు..ఇది ట్రై చేయండి..వారెవ్వా అనకుండా ఉండరు

Tomato Chutney: గారెలనగానే గుర్తొచ్చేది కొబ్బరి చట్నీ, పల్లీ చట్నీ. ఎప్పుడూ అదే రుచితో బోర్ కొట్టిందా? ఈసారి డిఫరెంట్‌గా ఈ చట్నీ ట్రై చేయండి. గారెలతో ఈ కాంబినేషన్ రుచి చూస్తే మళ్లీ మళ్లీ అడుగుతారు. తక్కువ పదార్థాలతో, తక్కువ టైంలో రెడీ అయిపోతుంది.  

గారెలకైతే అద్బుతః

ఇంట్లో టిఫిన్ కు గారెలు, బోండాలు, ఇడ్లీ, దోసెలు, పెసరట్టు...ఇలా చేసుకుంటూ ఉంటాం. ప్రతి వాటికి ఎప్పటిలానే కొబ్బరి చట్నీనో, పల్లి చట్నీనో, ఉల్లి చట్నీనో చేసుకుంటాం. రోటీన్ గా చేసుకునే ఈ చట్నీలు తిని తిని బోర్ కొట్టిందా? అయితే ఈ సారి ఈ టమాట చట్నీ ట్రై చేయండి. నోట్లో వేసుకోగానే పుల్లపుల్లగా, కారంగా,...యమ టేస్టీగా ఉంటుంది. గారెలకైతే అద్బుతః.

కావలసిన పదార్థాలు

టమాటాలు – 3

ఉల్లిపాయలు – 2

ఎండుమిర్చి – 6

వెల్లుల్లి రెబ్బలు – 5

చింతపండు – చిన్న ముక్క

ఉప్పు – తగినంత

నూనె – 2 టేబుల్ స్పూన్లు

తాలింపు కోసం:

ఆవాలు – 1/2 టీ స్పూన్

జీలకర్ర – 1/2 టీ స్పూన్

కరివేపాకు – కొద్దిగా

ఎండుమిర్చి – 2

రెసిపీ చూద్దాం.

పాన్‌లో నూనె వేసి ఎండుమిర్చి, వెల్లుల్లి, ఉల్లిపాయ ముక్కలు వేసి బంగారు రంగు వచ్చే వరకు వేయించాలి. తర్వాత టమాటా ముక్కలు, చింతపండు వేసి మెత్తగా అయ్యే వరకు ఉడికించాలి.

చల్లారిన తర్వాత ఉప్పు వేసి మిక్సీలో మెత్తగా గ్రైండ్ చేయాలి. మరో పాన్‌లో కొద్దిగా నూనె వేసి ఆవాలు, జీలకర్ర, ఎండుమిర్చి, కరివేపాకుతో తాలింపు చేసి చట్నీలో కలపాలి. అంతే టమాట చట్నీ రెడీ.

వారెవ్వా అనాల్సిందే

కరకరలాడే గారెల రుచికి టమాటా-ఉల్లిపాయల పులుపు, కారంతో ఈ చట్నీ అద్భుతంగా ఉంటుంది. ఒకసారి రుచి చూస్తే కొబ్బరి, పల్లీ చట్నీలను మర్చిపోయేంత టేస్ట్ ఉంటుంది. వేడి వేడి దిబ్బరొట్టేకు కూడా ఈ కాంబినేషన్ ట్రై చేస్తే వారెవ్వా అనాల్సిందే.