గోధుమపిండితో చేసే చపాతీ మన ఆరోగ్యానికి ఎంతో ప్రయోజనకరంగా ఉంటుంది. అంతేకాదు జొన్నలు, సజ్జలతో కూడా రొట్టెలను తయారుచేస్తారు. ఈ రొట్టెల్లో విటమిన్లు, ఫైబర్, ప్రోటీన్లతో పాటుగా ఇతర పోషకాలు పుష్కలంగా ఉంటాయి. అందుకే అన్నం తినకున్నా రొట్టెను మాత్రం ఖచ్చితంగా తినాలని డాక్టర్లు, ఆరోగ్య నిపుణులు చెబుతుంటారు. అన్నం వండటం కంటే.. రొట్టెను తయారుచేయడమే కష్టంగా, ఎక్కువ సమయం పడుతుంది. అందుకే చాలా మంది తొందరగా కావాలని అన్నాన్నే వండుతుంటారు. కానీ అన్నం కంటే రొట్టెలే మన ఆరోగ్యానికి ఎక్కువ ప్రయోజనకరంగా ఉంటాయి. అందుకే కష్టమైనా సరే రొట్టెను తినాలి.