Interesting Facts: సాధారణంగా చీమలు ఎక్కడపడితే అక్కడ ఉంటాయి. ఇల్లు, వాకిలి, రోడ్లు, చెట్ల దగ్గర ఇలా ఎక్కడ చూసినా గుంపులు గుంపులుగా కనిపిస్తుంటాయి. కానీ ఒక ప్లేసులో ఒక్క చీమ కూడా కనిపించదు. అక్కడ చీమలు ఎందుకు ఉండవు? ఆ ప్రదేశం ఎక్కడుందో తెలుసుకుందాం.
ప్రపంచంలో మనకు తెలియని వింతలు, ఆశ్చర్యకరమైన ప్రదేశాలు ఎన్నో ఉంటాయి. సాధారణంగా మన చుట్టూ ఎక్కడ చూసినా కనిపించే చీమలు ఒక ప్రదేశంలో అస్సలు ఉండవు. అదే ప్రపంచంలోనే అత్యంత చల్లని ఖండమైన అంటార్కిటికా. అక్కడి తీవ్రమైన వాతావరణ పరిస్థితులు జీవుల మనుగడకు పెద్ద సవాలుగా నిలుస్తాయి.
25
తీవ్రమైన చలి కారణంగా..
అంటార్కిటికా మంచుతో కప్పబడిన ఖండం. ఇది ప్రపంచంలోని ఐదవ అతిపెద్ద ఖండం అయినప్పటికీ, అక్కడి పరిస్థితులు ఇతర ఖండాల కంటే పూర్తి భిన్నంగా ఉంటాయి. ఈ ప్రాంతంలో ఎక్కువ భాగం ఎప్పుడూ మంచుతో కప్పబడి ఉంటుంది. కొన్ని ప్రాంతాల్లో ఉష్ణోగ్రతలు సున్నా డిగ్రీల కంటే చాలా తక్కువకు పడిపోతాయి. ఇలాంటి తీవ్రమైన చలిలో చీమలు వంటి కీటకాలు జీవించడం చాలా కష్టం.
35
జీవన పరిస్థితులు లేకపోవడం
చీమలు జీవించడానికి ఒక నిర్దిష్టమైన వాతావరణం అవసరం. సాధారణంగా ఇవి భూమి లోపల, రాళ్లకింద, చెట్ల బెరళ్లలో జీవిస్తుంటాయి. ఆహారం కోసం బయటకు వస్తాయి. వాటి శరీర ఉష్ణోగ్రతను నియంత్రించుకోవడానికి పరిసర ఉష్ణోగ్రతపై ఆధారపడతాయి. కానీ అంటార్కిటికాలో ఎక్కువ మంచు, గడ్డకట్టిన నేల, తీవ్రమైన గాలులు ఉండటం వల్ల చీమలకు అవసరమైన జీవన పరిస్థితులు ఉండవు.
శాస్త్రవేత్తల ప్రకారం చీమలు చిన్న పరిమాణంలో ఉండే జీవులు కాబట్టి వాటి శరీరంలో వేడిని నిలుపుకోవడం కష్టం. చాలా చల్లటి వాతావరణంలో వాటి కదలికలు తగ్గిపోతాయి. ఆహారం కోసం వెతకడం, గూడు నిర్మించడం వంటి పనులు సాధ్యం కావు. అందుకే అంటార్కిటికా వంటి ప్రదేశాలు వాటికి అనుకూలంగా ఉండవు.
55
ఏ జీవి బతకాలన్నా ఇవి అవసరం
భూమిపై ప్రతి జీవి బతకడానికి ప్రత్యేకమైన పరిస్థితులు అవసరం. ఒక ప్రాంతంలో సులభంగా బతికే జీవి మరో ప్రాంతంలో మనుగడ సాగించలేకపోవచ్చు. వాతావరణం, ఉష్ణోగ్రత, ఆహార లభ్యత, నివాస స్థలం వంటి అంశాలు జీవుల లైఫ్ ని ప్రభావితం చేస్తాయి. అందుకే ప్రకృతిలో ప్రతి జీవి తనకు అనుకూలమైన వాతావరణంలోనే అభివృద్ధి చెందుతుంది.
