Earth Facts Per Second : ఒక్క సెకనులో భూమిపై జరిగే వింతలు, విశేషాలు తెలిస్తే మీరు షాక్ అవుతారు. ఈ ప్రపంచంలో ఒక్క సెకనులో జననాలు, మరణాల నుంచి గూగుల్ సెర్చ్ల వరకు ఆశ్చర్యపరిచే నిజాలు ఇక్కడ తెలుసుకుందాం.
మనం వాచ్ వైపు చూసి ఒక్క సెకను గడిచింది అనుకునే లోపే ప్రపంచంలో ఎన్నో అద్భుతాలు జరిగిపోతున్నాయి. కాలం చాలా వేగంగా పరిగెడుతోంది. ఒక్క సెకను కాలంలోనే ప్రపంచవ్యాప్తంగా నలుగురు కొత్త శిశువులు జన్మిస్తున్నారు. ఈ జననాలు ఎక్కువగా ఆసియా, ఆఫ్రికా, దక్షిణ అమెరికా ఖండాల్లో జరుగుతున్నాయి.
అదే క్షణంలో ఇద్దరు వ్యక్తులు తమ ప్రాణాలను కోల్పోతున్నారు. అంటే ప్రతి సెకనుకు ప్రపంచ జనాభాకు ఇద్దరు కొత్త వ్యక్తులు యాడ్ అవుతున్నారన్నమాట. ఈ నంబర్స్ వినడానికి చిన్నవిగా అనిపించినా, గంటలు, రోజుల్లో చూస్తే చాలా పెద్ద సంఖ్యలు కనిపిస్తాయి.
25
ఒక్క సెకనులో ఇన్ని లక్షల గూగుల్ సెర్చ్ లా? మైండ్ బ్లోయింగ్ అంతే
ఇక డిజిటల్ ప్రపంచంలో స్పీడ్ గురించి మాట్లాడితే మైండ్ బ్లాక్ అవ్వడం ఖాయం. మనం కనురెప్ప వేసే లోపు ఇంటర్నెట్ ప్రపంచంలో కోట్లాది లావాదేవీలు జరుగుతున్నాయి. కేవలం ఒక్క సెకనులో ఏకంగా 40 లక్షల ఈమెయిల్స్ ఒకరికొకరు పంపుకుంటున్నారు.
అలాగే 30 లక్షల టెక్స్ట్ మెసేజ్ లు ఒక చోటు నుంచి మరో చోటుకు వెళ్తున్నాయి. ఎక్స్ లో 10,000 ట్వీట్లు పడిపోతున్నాయి. అన్నింటికంటే ముఖ్యంగా, మనం ప్రతిదానికీ డిపెండ్ అయ్యే గూగుల్ తల్లి సెకనుకు ఒక లక్షకు పైగా సెర్చ్ క్వెరీలను ప్రాసెస్ చేస్తోంది.
35
మీరు కనురెప్ప వేసేలోపే 400 పిజ్జాలు ఖాళీ
ప్రపంచవ్యాప్తంగా ఉన్న ఫుడ్ లవర్స్ ఒక్క సెకనులో ఎంత లాగించేస్తున్నారో తెలిస్తే షాక్ అవుతారు. కేవలం ఒక్క సెకను టైమ్లో ప్రపంచవ్యాప్తంగా జనాలు 23,000 కప్పుల కాఫీని తాగేస్తున్నారు. అలాగే 25,000 కోక్ కాన్లను ఓపెన్ చేసి గటగటా తాగేస్తున్నారు.
ఇక పిజ్జా ప్రియుల విషయానికి వస్తే, కేవలం ఒకే ఒక్క సెకనులో 400 పిజ్జా స్లైస్లను లాగించేస్తున్నారు. అంటే మనం ఈ లైన్ చదివే లోపల వేల సంఖ్యలో పిజ్జాలు, కాఫీలు ఖాళీ అయిపోతున్నాయన్నమాట. కన్జంప్షన్ ఏ రేంజ్లో ఉందో దీనిని బట్టే అర్థం చేసుకోవచ్చు.
సెకనుకు 30 కిలోమీటర్ల స్పీడ్.. అంతరిక్షంలో భూమి చేస్తున్న విన్యాసాలు ఇవే
మానవ ప్రపంచమే కాదు, ప్రకృతి కూడా ఒక్క సెకనులో తన విశ్వరూపాన్ని చూపిస్తోంది. ప్రతి సెకనుకు భూమిపై దాదాపు 100 మెరుపులు భూభాగాన్ని తాకుతున్నాయి. ఎక్కడో ఒకచోట భూకంపాలు భూపటలాన్ని వణికిస్తూనే ఉన్నాయి.
మనం స్థిరంగా ఉన్నాం అనుకుంటాం కానీ, మన భూమి సూర్యుడి చుట్టూ తన కక్ష్యలో సెకనుకు 30 కిలోమీటర్ల వేగంతో దూసుకుపోతోంది. అంతరిక్షంలో భూమి ప్రయాణం ఎంత వేగంగా సాగుతుందో చెప్పడానికి ఇదొక నిదర్శనం.
55
సమయం చాలా విలువైనది
కాలం ఎవరి కోసమూ ఆగదు అంటారు. ఈ ఒక్క సెకను లెక్కలు చూస్తే అది ఎంత నిజమో అర్థమవుతుంది. టెక్నాలజీ, జనాభా, ప్రకృతి అన్నీ కూడా సెకను కాలంలోనే ఎంతో మారిపోతున్నాయి. మనం లైట్ తీసుకునే ఒక్క సెకనులో ప్రపంచం వెనుక ఇంత పెద్ద కథ నడుస్తోంది. అందుకే ప్రతి క్షణం ఎంతో విలువైనది. ఈ అద్భుతమైన విషయాలు మనకు కాలం విలువను, భూమిపై జరుగుతున్న నిరంతర ప్రక్రియలను చూపిస్తున్నాయి.
