బాలయ్య హోస్ట్ గా చేస్తున్న `అన్‌స్టాపబుల్‌ విత్‌ ఎన్బీకే2`లో `వీరసింహారెడ్డి` టీమ్‌ సందడి చేసింది. ఈ సంక్రాంతికి బాలయ్య అభిమానులకు డబుల్‌ బోనాంజా ఇవ్వబోతున్నారు. రెండు పండగలు తీసుకురాబోతున్నారు.
బాలయ్య అడ్డాగా పిలుచుకునే షో `అన్‌స్టాపబుల్‌విత్‌ ఎన్బీకే 2`. `ఆహా`లో ప్రసారమయ్యే ఈ సెలబ్రిటీ టాక్‌ షోకి విశేషం ఆదరణ లభిస్తుంది. ఇండియాలోనే టాప్‌ సెలబ్రిటీ షోగా నిలిచింది. బిగ్గెస్ట్ స్టార్స్ ఇందులో సందడి చేస్తున్న నేపథ్యంలో ఇది నెంబర్‌ వన్‌ షోగా నిలుస్తుంది. బాలయ్య మాటల్లో చెప్పాలంటే అన్ని టాక్‌ షోలకు అమ్మ మొగుడై కూర్చుంది.
ఇప్పటి వరకు బిగ్గెస్ట్ స్టార్స్ ఇందులో సందడి చేస్తూ వస్తున్నారు. పవన్‌ కళ్యాణ్‌ ఎపిసోడ్‌ స్ట్రీమింగ్ కానుంది. అయితే అందులో సడెన్‌ సర్‌ప్రైజింగ్‌గా `వీరసింహారెడ్డి` టీమ్‌ సందడి చేయబోతుంది. వీరిపై ఇప్పటికే షూటింగ్‌ పూర్తయ్యింది. తాజాగా ఈ విషయాన్ని `ఆహా` వెల్లడించింది. సంక్రాంతి కానుకగా వీరి ఎపిసోడ్‌ ప్రసారం కానుందని సమాచారం.
బాలకృష్ణ హీరోగా నటించిన `వీరసింహారెడ్డి` సినిమాలో శృతి హాసన్‌ కథానాయికగా నటించగా, వరలక్ష్మి శరత్ కుమార్‌, రోసీ, కీలక పాత్రలు పోషించారు. గోపీచంద్‌ మలినేని దర్శకత్వం వహించారు. ఈ నలుగురు బాలయ్య షోలో సందడి చేశారు. శృతి హాసన్‌ తప్ప, మిగిలిన వాళ్లు దర్శకుడు గోపీచంద్‌, రోసి, వరలక్ష్మి, నిర్మాత రవిశంకర్‌, నవీన్‌ ఇందులో పాల్గొని సందడి చేశారు. ప్రస్తుతం ఆ ఫోటోలను ఆహా విడుదల చేయగా, అవి వైరల్‌ అవుతున్నాయి. శృతి హాసన్‌ అనారోగ్యానికి గురైన విషయం తెలిసిందే. ఈ కారణంగానే ఆమె షోకి రాలేదని సమాచారం.
బాలయ్య హోస్ట్ గా చేస్తున్న షోలో తన సినిమా టీమ్‌ సందడి చేయడం, వారితో సరదాగా చర్చ ఇందులో హైలైట్‌గా నిలవనుంది. మొదటి సీజన్‌ సమయంలో `అఖండ` టీమ్‌ సందడి చేసిన విషయం తెలిసిందే. అయితే ఈ సంక్రాంతికి బాలయ్య ఫ్యాన్స్ కి డబుల్‌ బోనాంజా ఇవ్వబోతున్నారు బాలయ్య. ఓ వైపు సినిమా, మరోవైపు ఈ ఎపిసోడ్‌ స్ట్రీమింగ్ కానుంది.
`వీరసింహారెడ్డి` సినిమా సంక్రాంతి కానుకుగా ఈ నెల 12న విడుదల కాబోతుంది. ఇప్పటికే సినిమాకి భారీ బుకింగ్స్ వస్తున్నాయి. ఓవర్సీస్‌లో దుమ్మురేపుతుంది. చిరంజీవిని దాటేసింది. సంక్రాంతికి బాలయ్య రచ్చ చేయబోతున్నారని చెప్పొచ్చు. మరోవైపు సంక్రాంతి కానుకగానే తమ `వీరసింహారెడ్డి` టీమ్‌ పాల్గొన్న ఎపిసోడ్‌ ఈ శుక్రవారం టెలికాస్ట్ అయ్యే అవకాశం ఉందని తెలుస్తుంది. ఓ రకంగా ఇది బాలయ్య ఫ్యాన్స్ కి డబుల్‌ బోనాంజా అని చెప్పడంలో సందేహం లేదు.