నయనతారకు షాక్, ధనుష్ కేసులో నెట్ ఫ్లిక్స్ కు చుక్కలు చూపించిన హైకోర్టు

ధనుష్ ‌- నయనతార కేసు విషయంలో నెట్ ఫ్లిక్స్ కు చుక్కలు చూపించింది మద్రాస్ హైకోర్ట్. ధనుష్ వేసిన ఫిటీషన్ కొట్టివేయాలంటూ ధాఖలు చేసిన ఫిటిషన్ పై  తీర్పునిచ్చింది. 

నెట్‌ఫ్లిక్స్ దావా కొట్టివేత

నయనతార డాక్యుమెంటరీలో వాడిన క్లిప్స్‌పై దనుష్ నిర్మాణ సంస్థ వండర్‌బార్ ఫిలిమ్స్ దాఖలు చేసిన కాపీరైట్ కేసును కొట్టివేయాలని నెట్‌ఫ్లిక్స్ దాఖలు చేసిన పిటిషన్‌ను చెన్నై హైకోర్టు కొట్టివేసింది. వండర్‌బార్ దాఖలు చేసిన ప్రధాన కేసును ఫిబ్రవరి 5న విచారణ చేస్తామంటు ప్రకటించింది. 

2015లో విడుదలైన 'నానుం రౌడీ ధాన్' సినిమా షూటింగ్ దృశ్యాలను నయనతార 'నయనతార: బియాండ్ ది ఫెయిరీ టేల్' డాక్యుమెంటరీలో అనుమతి లేకుండా వాడటమే ఈ వివాదానికి కారణం. తన అనుమతి లేకుండా ఈ దృశ్యాలు వాడారని, తన కాపీరైట్‌ను ఉల్లంఘించారని ఆరోపిస్తూ దనుష్ 10 కోట్ల నష్టపరిహారం కోరుతూ దావా వేశారు.

దనుష్ - నయనతార వివాదం

 అయితే ఈ విషయంలో కోర్టులో వాదోపవాదాలు జరుతున్న నేపధ్యంలో..  నెట్‌ఫ్లిక్స్ కార్యాలయం ముంబైలో ఉండటంతో కోర్టుకు అధికార పరిధి లేదని, నెట్‌ఫ్లిక్స్‌తో పాటు అందరిపైనా దావా వేయడానికి దనుష్ అనుమతి తీసుకోవాలని నెట్‌ఫ్లిక్స్ ఇండియా వాదించింది.

2020లో ఓ ఫోటో అప్‌లోడ్ చేశారని, దానిపై దనుష్ ఎలాంటి చర్య తీసుకోలేదని, దీన్నిబట్టి దావా వేయడంలో ఆయనకు ఆసక్తి లేదని వారు వాదించారు. డాక్యుమెంటరీ విడుదలైన వారం తర్వాతే దావా వేశారని, వాణిజ్య కోర్టు చట్టంలోని సెక్షన్ 12Aను పాటించలేదని, అందువల్ల కేసును కొట్టివేయాలని వారు కోరారు.

నయనతార డాక్యుమెంటరీ వివాదం

అయితే, షూటింగ్ దృశ్యాలతో సహా సినిమా నిర్మాణంలో భాగంగా రూపొందించిన మొత్తం కంటెంట్‌పై నిర్మాతకే కాపీరైట్ ఉంటుందని దనుష్ తరపున సీనియర్ న్యాయవాది పి.ఎస్.రామన్ వాదించారు. సినిమాలో నయనతార ధరించిన దుస్తులు, హెయిర్ స్టైల్ కూడా నిర్మాత కాపీరైట్ పరిధిలోకే వస్తాయని ఒప్పుకుంటూ నయనతార ఓ ఒప్పందంపై సంతకం చేశారని ఆయన వాదించారు.

దావా వేసిన నెట్‌ఫ్లిక్స్

2020లో విడుదలైన ఫోటో గురించి మాట్లాడుతూ, షూటింగ్ దృశ్యాలను అనుమతి లేకుండా వాడినప్పుడే దావాకు కారణం ఏర్పడిందని, అంటే కాపీరైట్ ఉల్లంఘన జరిగినప్పుడేనని రామన్ వాదించారు. డాక్యుమెంటరీ విడుదలైన తర్వాతే వాడిన దృశ్యాల గురించి తెలిసిందని, అందుకే డాక్యుమెంటరీ విడుదలయ్యే వరకు దావా వేయలేదని అన్నారు. 

ఆ దృశ్యాలను వాడకుండా ఉండాలని ప్రతివాదులకు ఈమెయిల్ పంపామని ఆయన కోర్టుకు తెలిపారు. దీంతో కేసు విచారణను తేదీ ప్రకటించకుండా వాయిదా వేశారు.ఇదిలా ఉండగా, దనుష్ చెన్నై హైకోర్టులో దావా వేయడానికి వీల్లేదని, ఆ కేసును కొట్టివేయాలని నెట్‌ఫ్లిక్స్ కోర్టును ఆశ్రయించింది. దీన్ని తోసిపుచ్చిన కోర్టు, నెట్‌ఫ్లిక్స్ దావాను కొట్టివేసింది.