రేటు అమాంతం పెంచేసిన సింగర్ మంగ్లీ, ఒక్కోపాటకు ఎంత డిమాండ్ చేస్తుందంటే..?

కాస్తా స్టార్ డమ్ వస్తే చాలు.. పైకెక్కి కూర్చుంటున్నారు సినిమా వాళ్లు. ముఖ్యంగా రెమ్యూనరేషన్ విషయంలో మేకర్స్ కు షాకుల మీద షాకులిస్తున్నారు.  

ఫిల్మ్ ఇండస్ట్రీలో పరిస్థితులు ఎప్పుడూ ఒకేలా ఉండవు.  జూనియర్లుగా ఉన్నవాళ్లు సీనియర్లు గామారుతారు.. చిన్నా చితగా సింగర్లు,. యాక్టర్లు స్టార్ ఇమేజ్ తెచ్చుకుంటుంటారు. మరికొంత మంది మాత్రం ఎలా ఉన్నారో అలానే ఉండిపోతుంటారు. ఈ నేపథ్యంలోనే చిన్న స్థాయి నుంచి స్టార్ గా చాలా తక్కువ టైమ్ లోనే ఎదుగుతూ వస్తుంది మంగ్లీ. 

ఈక్రమంలో దీపం ఉండగానే ఇల్లు చక్కబెట్టుకోవాలి అనుకున్నట్టుంది మంగ్లీ.. అందరిమాదిరిగానే అన్నట్టుగా.. టైమ్ వస్తే చాలు.. రేట్లు పెంచేస్తుంటారు. కెరీర్ సాగినంత వరకూ మస్త్ గా సంపాదించుకోవాలి అనే చూస్తారు. ఈక్రమంలో సింగర్ మంగ్లీకి సంబంధించిన ఓ న్యూస్ నెట్టింట్లో వైరల్ అవుతోంది. 

సాధారణ ఆర్టిస్ట్ గా కెరీర్ ను స్టార్ట్  చేసింది మంగ్లీ. ప్రస్తుతం తెలుగులో స్టార్ సింగర్‌గా కంటిన్యూ అవుతుంది.ఈ మధ్య తన రెమ్యూనరేషన్ ను అమాంతం పెంచేసిందట మంగ్లీ. ప్రస్తుతం ఈ న్యూస్ సోషల్ మీడియాలో వైరల్ అవుతోంది. అది కూడా ఇంత అంతా కాదు.. అమాంతం రేటు పెంచేసిందట మంగ్లీ. ఇంతకీ పాటకు ఎంత తీసుకుంటుందంటే..? 

జానపద పాటలు పాడుకుంటూ.. చిన్న చిన్న ప్రోగ్రామ్స్ చేసుకునే మంగ్లీ.. చిన్నగా ఆల్బమ్స్ చేయడం స్టార్ట్ చేసింది. ఆతరువాత వరుసగా సినిమా అవకాశాలు సాధిస్తూ వస్తోంది. ఒక పాట హిట్ అవ్వడంతో మరో పాట..అలా వరుసగా సాంగ్స్ పాడేస్తోంది.రాములో రాములా, సారంగదరియా, జింతక్ చితక్, ఊరంతా, బుల్లెట్, జ్వాలారెడ్డి, కన్నే అదిరింది, రా రా రక్కమ్మ లాంటి హిట్ సాంగ్స్ ను పాడింది మంగ్లీ. 

Mangli

మంగ్లీ పాడిన ఆ పాటలన్నీ.. బ్లాక్ బస్టర్స్ గా నిలవడంతో పాటు.. యూట్యూబ్‌లో కూడా  మిలియన్ల కొద్దీ వ్యూస్ రాబట్టాయి. ఇంత ఇమేజ్ రావడంతో మంగ్లీ.. ఒకప్పుడు పాటకు 20 వేలు తీసుకునే మంగ్లీ.. ఇప్పుడు ఒక్కో పాటకు ఏకంగా 3 లక్షల వరకు డిమాండ్ చేస్తుందట. అటు మూవీ మేకర్స్ కూడా మంగ్లీ పాడితే తమ సినిమాలకు ప్లాస్ అవుతుందన్న కారణంతో.. ఆమె అడిగినంత ఇవ్వడానికి రెడీ అవుతుననారట. 

న్యూస్ ఛానెల్‌లో యాంకర్‌గా తన  కెరీర్ ను  స్టార్ట్ చేసింది మంగ్లీ.. ప్రైవేట్ ఆల్బమ్స్ చేసుకుంటూ.. ఇండస్ట్రీలో అంచలంచెలుగా ఎదిగింది. చిత్తూరు జిల్లాకు చెందిన మంగ్లీ..తెలంగాణా యాసను పక్కాగా మాట్లాడగలదు. తెలంగాణ యాసలోనే పాటులు పాడిపాపులర్ అయ్యింది మంగ్లీ. తరువాత బతుకమ్మ పాటలతో బాగా పాపులర్ అయింది. 

ఇవే కాదు.. సొంతగా ఓ  యూట్యూబ్ ఛానెల్ కూడా ఉంది మంగ్లీకి. తనే నిర్మాతగా.. పాటులు పాడి, రాసినిర్మించడంతో.. చేతినిండా సంపాదిస్తోంది మంగ్లీ. మరోవైపు నటిగా కూడా అవకాశాలు వస్తున్నాయి. ఇప్పటికే కొన్ని సినిమాలతో పాటు పాటల్లో కనిపించిన మంగ్లీ.. ఒక్కో మెట్టు ఎక్కుతూ స్టార్ సింగర్‌గా ఎదిగింది.