రెమ్యునరేషన్ తగ్గించిన అనన్య పాండే..? అయినా లాభం లేదట.

పాపం అనన్య పాండే.. లైగర్ దెబ్బ గట్టిగా తగిలింది. ఆ ప్రభావం బాగానే పడింది. ఇప్పటికీ ఆ దెబ్బ నుంచి కోలుకోలేకపోతోంది బ్యూటీ. అందుకే.. తన రేట్ కూడా తగ్గించిందట అనన్య. మరి  ఇప్పటికైనా ఆమెకు కలిసి వస్తుందా..? 

బాలీవుడ్ యంగ్ స్టార్స్ లో అనన్య పాండే కూడా ఒకరు. అంతో ఇంతో సినిమాలు చేసుకుంటూ.. సోషల్ మీడియాలో హాట్ హాట్ ఫోటోస్ తో ఫాలోయింగ్ ను పెంచుకుంటూ.. తన పని తాను చేసుకుంటూ ఉండేది అనన్య. కాని లైగర్ సినిమా తన లైఫ్ ను మార్చేసింది. 

భారీ బడ్జెట్ పాన్ ఇండియా సినిమా అంటే.. ఇమేజ్ పెరుగుతుంది.. ఒక వేళ ప్లాప్ అయినా.. పాన్ ఇండియా హీరోయిన్ గా తనకు కొత్త ఇమేజ్ వస్తుంది అని భావించింది అనన్య పాండే. కాని అది కాస్తా బెడిసికొట్టింది. లైగర్  సినిమా డిజాస్టర్ గా నిలవడంతో పాటు.. అనన్యపైనే ఈ ఎఫెక్ట్ ఎక్కువగా పడింది. 

పూరీ జగన్నాథ్ బాగానే ఉన్నాడు.. విజయ్ దేవరకొండ ఇమేజ్ కు వచ్చిన డ్యామేజ్ ఏమీ లేదు. కాని అనన్య పాండేకు మాత్రమే స్టార్ట్ అయ్యింది అసలు సమస్య. ఈసినిమా ప్లాప్ లో మేజర్ శేర్ ను ఆమె మీదకే నెట్టేస్తున్నారంతా.. ఆమె నటనపైనే సోషల్ మీడియాలో భారీగా ట్రోలింగ్ జరుగుతోంది. అనన్యాను బదులుగా ఇంకెవరినైనా తీసుకుంటే బాగుండేది అంటున్నారు. 

అంతే కాదు అనన్య పాండేకు ఈసినిమా తరువాత అసలు అవకాశాలు లేవట. గతంలోకమిట్ అయిన రెండు మూడు సినిమాలు తప్పించి... ఆమె ఎంతగా ప్రయత్నిస్తున్నా.. మేకర్స్ మాత్రం ఆమెకి ఛాన్సులు ఇవ్వడానికి రెడీగా లేరని బీటౌన్ టాక్. అందుకే రెమ్యూనరేషన్ తగ్గించుకోవాలి అని నిర్ణయం తీసుకుందట అనన్య. 

తన రెమ్యునరేషన్ లో భారీగా కోత పెట్టేసిందట బ్యూటీ. దాదాపు సగం రెమ్యూనరేషన్ తగ్గించిందట బ్యూటీ. నిజానికి ఆమె ఇప్పుడు సినిమాకు 80 లక్షల వరకూ తీసుకుంటుంది. ఈక్రమంలో లైగర్ ఎఫెక్ట్... సినిమాలు లేకపోవడంతో.. అందులో 30 లక్షల వరకూ తగ్గించి సినిమాకు 50 లక్షల వరకు రెమ్యునరేషన్ తీసుకోవలి అని అనుకుందట.. హింట్ కూడా ఇచ్చేసిందట బ్యూటీ. 

అయినా ఇప్పటి వరకూ పెద్దగా స్పందన రాలేదంటున్నారు సినిమా పండితులు. ముందు ముందు కూడా ఇలానే పరిస్థితి ఉంటే.. అనన్య కెరీర్ అగమ్యగోచరమే అనాలి. ఇక స్టూడెంట్ ఆఫ్ ది ఇయర్ 2 సినిమాతో ఇండస్ట్రీలోకి ఎంట్రీ ఇచ్చిన అనన్య పాండే  వరుసగా  అవకాశాలు దక్కించుకుంది. 

ఆమధ్య వచ్చిన గెహ్రాయాన్  సినిమాతో హిట్ అందుకున్నా.. ఆ సినిమా క్రెడిట్ దీపికా పదుకోన్ ఖాతాలోకి వెళ్లిపోయింది. ప్రస్తుతం అనన్య బాలీవుడ్ లో రెండు సినిమాలు చేస్తోంది. అవి వచ్చే ఏడాదిలో విడుదల కానున్నాయి. ఇవి గతంలో ఒప్పుకున్న సినిమాలు కావడంతో అనన్య సినిమా ఛాన్స్ లపై సస్పెన్స్ కొనసాగుతుంది.