Bimbisara: కళ్యాణ్ రామ్ `బింబిసార` మూవీ రివ్యూ
ఫాంటసీ, టైమ్ ట్రావెల్ మేళవిస్తూ కళ్యాణ్ రామ్ చేసిన ప్రయోగం `బింబిసార`. వశిష్ట దర్శకత్వం వహించిన ఈ చిత్రం శుక్రవారం(ఆగస్ట్ 5)న విడుదలైంది. సినిమా ఎలా ఉందో రివ్యూలో తెలుసుకుందాం.
ఫాంటసీ చిత్రాలకు, టైమ్ ట్రావెల్ మూవీస్కి ఆడియెన్స్ లో ఎప్పుడూ ఆసక్తి ఉంటుంది. బలమైన కథతో మ్యాజికల్గా రూపొందిస్తే బాక్సాఫీసు వద్ద వండర్స్ క్రియేట్ చేస్తాయని చెప్పడంలో అతిశయోక్తి లేదు. కానీ తెలుగులో ఫాంటసీ, టైమ్ ట్రావెల్ నేపథ్యంలో వచ్చిన చిత్రాలు చాలా తక్కువ. ఇటీవల కాలంలో రాలేదనే చెప్పాలి. ఫాంటసీతో `ఆదిత్య 369`, టైమ్ ట్రావెల్తో `24` వంటి చిత్రాలొచ్చాయి. చాలా రోజుల తర్వాత `బింబిసార`తో ఓ ప్రయోగం చేశాడు హీరో కళ్యాణ్ రామ్. వరుస పరాజయాల్లో ఉన్న ఆయన తన పంథాని మార్చి చేసిన చిత్రమిది. దీనికి డెబ్యూ డైరెక్టర్ వశిష్ట దర్శకత్వం వహించారు. సంయుక్త మీనన్, కేథరిన్ థ్రెసా హీరోయిన్లుగా నటించారు. ఎన్టీఆర్ ఆర్ట్స్ పతాకంపై హరికృష్ణ కే నిర్మించిన `బింబిసార` ఆగస్ట్ 5న థియేటర్లో విడుదలైంది. మరి సినిమా ఎలా ఉంది, కళ్యాణ్ రామ్ కమ్బ్యాక్నిచ్చే చిత్రంగా నిలిచిందా? లేక నిరాశ పరిచిందా? అనేది `ఏసియానెట్` రివ్యూ(Bimbisara Review)లో తెలుసుకుందాం.