Today Rasi Phalalu: ఈ రాశి వారికి అన్నదమ్ములతో ఆస్తి గొడవలు తప్పవు!

ఈ రోజు రాశి ఫలాలు పంచాంగకర్త ఫణికుమార్ అందిస్తున్నారు. మేష, వృషభ, మిథున, కర్కాటక, సింహ, కన్య, తుల, వృశ్ఛిక, ధనుస్సు, మకర, కుంభ, మీన రాశుల దిన ఫలాలు ఇక్కడ తెలుసుకోండి. ఈ దిన ఫలాలు 31.05.2025 శనివారానికి సంబంధించినవి.

మేష రాశి ఫలాలు

పెద్దల అనుగ్రహంతో కీలకమైన పనులు పూర్తి చేస్తారు. బంధు మిత్రుల నుంచి శుభకార్యాలకు ఆహ్వానాలు అందుతాయి. నూతన వ్యాపార ప్రారంభానికి శ్రీకారం చుడతారు. ఆకస్మిక ధన ప్రాప్తి కలుగుతుంది. వ్యాపారాలు మరింత పుంజుకుంటాయి. వృత్తి, ఉద్యోగాల్లో ఆశించిన పురోగతి సాధిస్తారు.

వృషభ రాశి ఫలాలు

వృత్తి, వ్యాపారాల్లో శ్రమ పెరుగుతుంది. నిరుద్యోగ ప్రయత్నాలు నిదానంగా సాగుతాయి. కుటుంబ సభ్యుల అనారోగ్య సమస్యలు మానసికంగా బాధిస్తాయి. ప్రయాణాల విషయంలో అప్రమత్తంగా వ్యవహరించాలి. నూతన రుణ ప్రయత్నాలు కలిసిరావు. కీలక విషయాల్లో ఆలోచించి ముందుకు సాగాలి.

మిథున రాశి ఫలాలు

తల్లి తరఫు బంధువులతో స్థిరాస్తి వివాదాలు కలుగుతాయి. వృత్తి, వ్యాపారాల్లో నష్టాలు వచ్చే సూచనలు ఉన్నాయి. అధిక శ్రమతో అల్ప ఫలితం పొందుతారు. ఉద్యోగాల్లో అధికారులతో వివాదాలు కలుగుతాయి. చేపట్టిన పనుల్లో అవరోధాలు ఉంటాయి. కుటుంబ సభ్యులతో పుణ్యక్షేత్రాలు దర్శించుకుంటారు.

కర్కాటక రాశి ఫలాలు

ఆర్థిక పరిస్థితి మెరుగు పడుతుంది. చేపట్టిన పనులు ఉత్సాహంగా పూర్తి చేస్తారు. వృత్తి, ఉద్యోగాల్లో పని ఒత్తిడి నుంచి ఉపశమనం పొందుతారు. బంధుమిత్రులతో సఖ్యతగా వ్యవహరిస్తారు. నూతన వ్యాపార విస్తరణ ప్రయత్నాలు ఫలిస్తాయి. నిరుద్యోగులకు అనుకూల వాతావరణం ఉంటుంది.

సింహ రాశి ఫలాలు

వ్యాపారాలు మందకొడిగా సాగుతాయి. వృత్తి, ఉద్యోగ బాధ్యతలు నిర్వహించడంలో లోటుపాట్లు కలుగుతాయి. ముఖ్యమైన వ్యవహారాలు వాయిదా వేయడం మంచిది. సోదరులతో స్థిరాస్తి వివాదాలు కలుగుతాయి. ఆర్ధిక పరిస్థితి నిరుత్సాహపరుస్తుంది. కంటి సంబంధిత సమస్యలు వస్తాయి.

కన్య రాశి ఫలాలు

నిరుద్యోగులకు చాలాకాలంగా ఎదురుచూస్తున్న అవకాశాలు అందుతాయి. భాగస్వామ్య వ్యాపారాలకు నూతన పెట్టుబడులు లభిస్తాయి. కుటుంబ సభ్యులతో దైవ కార్యక్రమాల్లో పాల్గొంటారు. అనుకున్న పనులు అనుకున్న సమయానికి పూర్తిచేస్తారు. ఆర్ధిక వ్యవహారాలు ఆశాజనకంగా ఉంటాయి. మొండి బాకీలు తీరుతాయి.

తుల రాశి ఫలాలు

కీలక వ్యవహారాల్లో తీసుకున్న తొందరపాటు నిర్ణయాలు నిరాశ కలిగిస్తాయి. ఇంటి నిర్మాణ ప్రయత్నాలు వాయిదా వేస్తారు. ఇంటా బయట సమస్యాత్మక వాతావరణం ఉంటుంది. వృత్తి, ఉద్యోగాల్లో అధికారులతో ఊహించని సమస్యలు వస్తాయి. పిల్లల ఆరోగ్యం విషయంలో శ్రద్ద వహించాలి.

వృశ్చిక రాశి ఫలాలు

కొన్ని పనులు అనుకోకుండా పూర్తి చేస్తారు. ఆర్థికంగా కలిసి వస్తుంది. ఆప్తుల నుంచి అరుదైన ఆహ్వానాలు అందుతాయి. కుటుంబ సభ్యుల ప్రవర్తన కొంత ఆశ్చర్యానికి గురిచేస్తుంది. చేపట్టిన వ్యవహారాల్లో కార్యసిద్ధి కలుగుతుంది. వృత్తి, ఉద్యోగాల్లో ఉత్సాహకర వాతావరణం ఉంటుంది. వ్యాపారాలు లాభదాయకం.

ధనుస్సు రాశి ఫలాలు

దైవ సేవా కార్యక్రమాలు నిర్వహించి పెద్దల నుంచి ప్రశంసలు అందుకుంటారు. వృత్తి, ఉద్యోగాల్లో అనుకూల వాతావరణం ఉంటుంది. మొండి బాకీలు వసూలవుతాయి. ఇంట్లో పిల్లల పెళ్లి గురించి చర్చలు జరుగుతాయి. పాత మిత్రులతో విందు వినోదాల్లో పాల్గొంటారు.

మకర రాశి ఫలాలు

ఆధ్యాత్మిక కార్యక్రమాలపై దృష్టి సారిస్తారు. వృత్తి, వ్యాపారాలు మందగిస్తాయి. ఇతరులతో ఆలోచించి మాట్లాడటం మంచిది. ఆదాయానికి మించి ఖర్చులు పెరుగుతాయి. ఆర్థిక వ్యవహారాలు మరింత నిరాశ కలిగిస్తాయి. ఉద్యోగాల్లో పని భారం ఉన్నప్పటికీ నిదానంగా పూర్తి చేస్తారు.

కుంభ రాశి ఫలాలు

బంధు మిత్రుల నుంచి ఊహించని మాటలు వినాల్సి వస్తుంది. దూర ప్రయాణాల్లో అప్రమత్తంగా వ్యవహరించాలి. నిరుద్యోగ ప్రయత్నాలు కలిసిరావు. వృత్తి, వ్యాపారాల్లో ఆర్థిక సమస్యలు వస్తాయి. ఉద్యోగాల్లో తోటి వారితో మాట పట్టింపులు ఉంటాయి. దీర్ఘకాలిక ఆరోగ్య సమస్యలు చికాకు తెప్పిస్తాయి.

మీన రాశి ఫలాలు

చాలా కాలంగా వేధిస్తున్న స్థిరాస్తి వివాదాల నుంచి బయటపడతారు. ఆర్థిక విషయాల్లో కొన్ని ఆలోచనలు కార్యరూపం దాలుస్తాయి. వృత్తి, ఉద్యోగాల్లో పదోన్నతులు పెరుగుతాయి. వ్యాపారాల్లో పెద్దల సలహాలు తీసుకోవడం మంచిది. విద్యార్థులకు నూతన అవకాశాలు లభిస్తాయి. పుణ్యక్షేత్ర దర్శనం చేసుకుంటారు.