Today Rasi Phalalu: ఈ రాశి వారికి జీవిత భాగస్వామితో గొడవలు తప్పవు!

ఈ రోజు రాశి ఫలాలు పంచాంగకర్త ఫణికుమార్ అందిస్తున్నారు. మేష, వృషభ, మిథున, కర్కాటక, సింహ, కన్య, తుల, వృశ్ఛిక, ధనుస్సు, మకర, కుంభ, మీన రాశుల దిన ఫలాలు ఇక్కడ తెలుసుకోండి. ఈ దిన ఫలాలు 30.05.2025 శుక్రవారానికి సంబంధించినవి.

మేష రాశి ఫలాలు

స్థిరాస్తి కొనుగోలు ప్రయత్నాలు ఒక కొలిక్కి వస్తాయి. వృత్తి, వ్యాపారాల్లో ఆశించిన ఫలితాలు పొందుతారు. ఉద్యోగాల్లో కీలక నిర్ణయాలు తీసుకుంటారు. రాజకీయ ప్రముఖులతో పరిచయాలు పెరుగుతాయి. కుటుంబ సభ్యుల నుంచి ఆర్థిక సహకారం అందుతుంది.

వృషభ రాశి ఫలాలు

చేపట్టిన పనుల్లో శ్రమ పెరుగుతుంది. ఆర్థికంగా ఒడిదుడుకులు ఉంటాయి. కుటుంబ సభ్యులతో వివాదాలు కొంత చికాకు తెప్పిస్తాయి. వృథా ప్రయాణాలు చేస్తారు. వృత్తి, వ్యాపారాల్లో తొందరపాటు నిర్ణయాలు చేయటం మంచిది కాదు. ఉద్యోగులకు శ్రమ పెరుగుతుంది.

మిథున రాశి ఫలాలు

ముఖ్యమైన వ్యవహారాల్లో తొందరపాటు నిర్ణయాలు చేయడం మంచిది కాదు. బంధు మిత్రులతో స్వల్ప వివాదాలు ఉంటాయి. రుణ దాతల ఒత్తిడి పెరుగుతుంది. చేపట్టిన పనుల్లో అవరోధాలు ఉంటాయి. నూతన వ్యాపారాల ప్రారంభానికి ఆశించిన సహాయం లభించదు. ఉద్యోగ వాతావరణం గందరగోళంగా ఉంటుంది.

కర్కాటక రాశి ఫలాలు

సమాజంలో గౌరవ మర్యాదలు పెరుగుతాయి. బంధు మిత్రుల నుంచి విలువైన వస్తువులు బహుమతులుగా పొందుతారు. విద్యార్థుల కష్టానికి తగిన ప్రతిఫలం లభిస్తుంది. ఆత్మవిశ్వాసంతో కొన్ని పనులు పూర్తి చేస్తారు. వృత్తి, వ్యాపారాల్లో ఆశించిన పురోగతి సాధిస్తారు. నిరుద్యోగ ప్రయత్నాలు ఫలిస్తాయి.

సింహ రాశి ఫలాలు

చిన్ననాటి మిత్రులతో విందు వినోదాల్లో పాల్గొంటారు. నూతన వ్యక్తుల పరిచయాలు లాభసాటిగా ఉంటాయి. ఆర్థిక పరిస్థితులు అనుకూలిస్తాయి. చేపట్టిన పనుల్లో కార్యసిద్ధి కలుగుతుంది. కుటుంబ సభ్యుల సహకారంతో నూతన వ్యాపారాలు ప్రారంభిస్తారు. వృత్తి, ఉద్యోగాల్లో హోదాలు పెరుగుతాయి.

కన్య రాశి ఫలాలు

చేపట్టిన పనులు సకాలంలో పూర్తి కావు. కుటుంబ సభ్యులతో మాటపట్టింపులు ఉంటాయి. డబ్బు పరంగా ఇబ్బందులు ఎదురవుతాయి. వృత్తి, వ్యాపారాలు అంతంత మాత్రంగా సాగుతాయి. నిరుద్యోగ ప్రయత్నాలు నిరుత్సాహ పరుస్తాయి. దూర ప్రయాణాలు వాయిదా వేయడం మంచిది.

తుల రాశి ఫలాలు

స్వల్ప అనారోగ్య సమస్యలు ఉంటాయి. మిత్రుల నుంచి కీలక సమాచారం అందుకుంటారు. ఇంటా బయట ఊహించని సమస్యలు ఎదురవుతాయి. దైవ కార్యక్రమాల్లో పాల్గొంటారు. వృత్తి, వ్యాపారాల్లో మిశ్రమ ఫలితాలు ఉంటాయి. ఉద్యోగంలో అధికారుల నుంచి ఒత్తిడి పెరుగుతుంది.

వృశ్చిక రాశి ఫలాలు

ఆప్తుల నుంచి శుభవార్తలు అందుతాయి. నూతన వస్తు వాహనాలు కొనుగోలు చేస్తారు. కుటుంబ సభ్యులతో దైవదర్శనం చేసుకుంటారు. చాలా కాలంగా వేధిస్తున్న సమస్యలను తెలివిగా పరిష్కరించుకుంటారు. వ్యాపార, ఉద్యోగాల్లో మరింత ఉత్సాహంగా పని చేసి లాభాలు అందుకుంటారు. ఇంట్లో పిల్లల వివాహం గురించి ప్రస్తావన వస్తుంది.

ధనుస్సు రాశి ఫలాలు

చేపట్టిన పనుల్లో ప్రతిబంధకాలు తప్పవు. ఆరోగ్య విషయాలు అశ్రద్ధ చేయడం మంచిది కాదు. జీవిత భాగస్వామితో వివాదాలు ఉంటాయి. ఆధ్యాత్మిక చింతన పెరుగుతుంది. వృత్తి, వ్యాపారాల్లో గందరగోళ పరిస్థితులు ఉంటాయి. ఉద్యోగులకు పని భారం పెరుగుతుంది.

మకర రాశి ఫలాలు

చేపట్టిన వ్యవహారాల్లో అప్రయత్న కార్యసిద్ధి కలుగుతుంది. వ్యాపారపరంగా నూతన ప్రణాళికలు అమలు చేసి లాభాలు అందుకుంటారు. ఆదాయ మార్గాలు పెరుగుతాయి. సన్నిహితులతో సంతోషంగా గడుపుతారు. వృత్తి, ఉద్యోగాలు అనుకూలంగా సాగుతాయి. నిరుద్యోగులకు ఊహించని అవకాశాలు లభిస్తాయి.

కుంభ రాశి ఫలాలు

ఆకస్మిక ప్రయాణాలు చేయాల్సి వస్తుంది. కుటుంబ సభ్యుల నుంచి ఒత్తిడి పెరుగుతుంది. మిత్రులతో పుణ్యక్షేత్రాలు సందర్శిస్తారు. దీర్ఘకాలిక రుణ ఒత్తిడి పెరుగుతుంది. వృత్తి, వ్యాపారాల్లో ఊహించని మార్పులు చోటు చేసుకుంటాయి. ఉద్యోగాల్లో తోటి వారితో సఖ్యతగా వ్యవహరించడం మంచిది.

మీన రాశి ఫలాలు

ఆర్థిక పరిస్థితి మెరుగ్గా ఉంటుంది. నూతన వస్తు లాభాలు అందుకుంటారు. ఇంట్లో శుభకార్యాలు నిర్వహిస్తారు. నిరుద్యోగులకు అనుకూలం. భూ సంభందిత క్రయ విక్రయాల్లో లాభాలు అందుకుంటారు. పిల్లల చదువు విషయాల్లో శుభవార్తలు అందుతాయి.