Today Rasi Phalalu: ఈ రాశి వారికి శత్రువులు కూడా స్నేహితులుగా మారి సాయం చేస్తారు!

ఈ రోజు రాశి ఫలాలు పంచాంగకర్త ఫణికుమార్ అందిస్తున్నారు. మేష, వృషభ, మిథున, కర్కాటక, సింహ, కన్య, తుల, వృశ్ఛిక, ధనుస్సు, మకర, కుంభ, మీన రాశుల దిన ఫలాలు ఇక్కడ తెలుసుకోండి. ఈ దిన ఫలాలు 17.06.2025 మంగళవారానికి సంబంధించినవి.

మేష రాశి ఫలాలు

కొత్త వ్యాపారాలు ప్రారంభించి లాభాలు అందుకుంటారు. సమాజంలో పలుకుబడి పెరుగుతుంది. అన్ని వైపుల నుంచి ఆదాయం పెరుగుతుంది. వృత్తి, ఉద్యోగాల్లో శుభవార్తలు వింటారు. జీవిత భాగస్వామితో సంతోషంగా గడుపుతారు.

వృషభ రాశి ఫలాలు

ఉద్యోగంలో అనుకూల మార్పులు చోటు చేసుకుంటాయి. ముఖ్యమైన వ్యవహారాలు అనుకున్న సమయానికి పూర్తవుతాయి. కుటుంబ వ్యవహారాల్లో చిన్నపాటి సమస్యలు ఉన్నా అధిగమిస్తారు. రుణ ప్రయత్నాలు ఫలిస్తాయి. వృత్తి, వ్యాపారాలు పుంజుకుంటాయి.

మిథున రాశి ఫలాలు

కొత్త వ్యాపారాలకు పెట్టుబడులు అందుతాయి. పిల్లల వివాహ, ఉద్యోగ ప్రయత్నాలు అనుకూలిస్తాయి. చాలా కాలంగా వేధిస్తున్న సమస్యలు తొలగిపోతాయి. ఆకస్మిక ధన లాభం కలుగుతుంది. ఉద్యోగ బాధ్యతలు సక్రమంగా నిర్వహిస్తారు. సేవా కార్యక్రమాల్లో పాల్గొంటారు.

కర్కాటక రాశి ఫలాలు

మొండి బాకీలు వసూలవుతాయి. వ్యాపార వ్యవహారాల్లో కీలక నిర్ణయాలు అమలుచేస్తారు. దీర్ఘకాలిక అనారోగ్య సమస్యల నుంచి ఉపశమనం పొందుతారు. ఉద్యోగులు ఉన్నత పదవులు పొందుతారు. నూతన కార్యక్రమాలకు శ్రీకారం చుడతారు.

సింహ రాశి ఫలాలు

వృత్తి, వ్యాపారాల్లో భాగస్వాములతో సఖ్యత కలుగుతుంది. నూతనోత్సాహంతో కొన్ని కార్యక్రమాలు ప్రారంభించి సకాలంలో పూర్తిచేస్తారు. ఇంట్లో శుభకార్యాలు నిర్వహిస్తారు. నూతన వస్త్ర, ఆభరణాలు కొనుగోలు చేస్తారు. ఆర్థిక పరిస్థితి ఆశాజనకంగా ఉంటుంది. నిరుద్యోగులకు నూతన అవకాశాలు అందుతాయి.

కన్య రాశి ఫలాలు

ఉద్యోగాల్లో అధికారులతో సమస్యలు తీరి ఊరట లభిస్తుంది. చేపట్టిన వ్యవహారాల్లో విజయం సాధిస్తారు. వ్యాపారాల విస్తరణకు పెట్టుబడులు అందుతాయి. సమాజంలో మీ మాటకు విలువ పెరుగుతుంది. భూ సంబంధిత క్రయ విక్రయాలు లాభసాటిగా సాగుతాయి. ఖర్చుల విషయంలో పునరాలోచన చేయడం మంచిది.

తుల రాశి ఫలాలు

పాత విషయాలు జ్ఞప్తికి తెచ్చుకుంటారు. చేపట్టిన పనుల్లో కార్యసిద్ధి కలుగుతుంది. దీర్ఘకాలిక సమస్యలు తీరి మానసిక ప్రశాంతత పొందుతారు. నూతన వాహనాలు కొనుగోలు చేస్తారు. ప్రత్యర్థులు కూడా మిత్రులుగా మారి సహాయం చేస్తారు. వ్యాపార, ఉద్యోగాల్లో ఆశించిన మార్పులుంటాయి.

వృశ్చిక రాశి ఫలాలు

ఇంటా బయట గౌరవ మర్యాదలు పెరుగుతాయి. కుటుంబంలో కొందరి ప్రవర్తన ఆశ్చర్యం కలిగిస్తుంది. ఆలోచనలు ఆచరణలో పెడతారు. వృత్తి, వ్యాపారాలు లాభిస్తాయి. ఉద్యోగాల్లో అనుకూల వాతావరణం ఉంటుంది. ఆర్థికంగా ఇబ్బంది ఉన్నప్పటికీ ఆదాయం విషయంలో లోటు ఉండదు.

ధనుస్సు రాశి ఫలాలు

ముఖ్యమైన కార్యక్రమాలు ప్రారంభించి సకాలంలో పూర్తి చేస్తారు. పాత మిత్రుల రాక ఆనందం కలిగిస్తుంది. ఖర్చుకు తగిన ఆదాయం ఉంటుంది. స్థిరాస్తి వివాదాలు రాజీ చేసుకుంటారు. వ్యాపారాలకు నూతన ప్రోత్సాహకాలు అందుతాయి. నిరుద్యోగుల కలలు నిజమవుతాయి.

మకర రాశి ఫలాలు

వాహన కొనుగోలుకు అవరోధాలు తొలగుతాయి. ఇతరుల వ్యవహారాల్లో జోక్యం చేసుకోవడం మంచిది కాదు. ఆత్మీయుల సహకారంతో కొన్ని సమస్యలు నుంచి బయటపడతారు. ఉద్యోగులకు అదనపు బాధ్యతల నుంచి ఉపశమనం దక్కుతుంది.  

కుంభ రాశి ఫలాలు

వ్యాపారాలు అంతంత మాత్రంగా సాగుతాయి. అవసరాలకు ఆదాయం సరిపోక అప్పులు చేయాల్సి వస్తుంది. కుటుంబ వ్యవహారాల్లో ఆలోచనలు స్థిరంగా ఉండవు. కొత్త సమస్యలు వస్తాయి. వృత్తి, ఉద్యోగాల్లో బాధ్యతలు పెరుగుతాయి. చిన్నతరహా పరిశ్రమలకు ఒడిదుడుకులు తప్పవు.

మీన రాశి ఫలాలు

నిరుద్యోగులకు కొత్త అవకాశాలు వస్తాయి. అవసరానికి డబ్బు అందుతుంది. ఇంటా బయట ఆదరణ పెరుగుతుంది. నూతన వస్త్ర, ఆభరణాలు కొనుగోలు చేస్తారు. వ్యాపారాల్లో నూతన ప్రణాళికలు అమలు చేసి లాభాలు అందుకుంటారు. ఉద్యోగులు ఉన్నత పదవులు పొందుతారు.