రచయిత వేధింపులపై ఆడియో క్లిప్.. అందులో ఏముందంటే..?

ప్రముఖ తమిళ రచయిత వైరముత్తుపై కొందరు మహిళలు లైంగిక వేధింపుల ఆరోపణలు చేస్తోన్న సంగతి తెలిసిందే. సింగర్ చిన్మయి తనతో పాటు వైరముత్తు మరెందరినో వేధించిన విషయాలను బయటపెట్టింది.

తాజాగా సోషల్ మీడియాలో ఆమె ఓ ఆడియో క్లిప్ ని షేర్ చేసింది. అందులో ఒక మహిళ వైరముత్తుని విమర్శించింది. తనకు తెలిసిన ఒక అమ్మాయికి వైరముత్తు అంటే చాలా అభిమానమని, అతడి ఆటోగ్రాఫ్ కోసం ప్రయత్నించగా ఆయన వెంటనే ఆ అమ్మాయి ఫోన్ నెంబర్ అడిగి తీసుకున్నాడని, తండ్రిలాగా భావించి ఆ అమ్మాయి నంబర్ ఇస్తే.. ఆరోజు రాత్రే వైరముత్తు ఆ అమ్మాయికి ఫోన్ చేసి అసభ్యంగా మాట్లాడాడని, ఆ అమ్మాయిపై ఓ కవిత కూడా రాసి వినిపించాడని సదరు మహిళా వెల్లడించింది.

అంతేకాదు.. ఆ కవితలో రెండు లైన్లు కూడా వినిపించి ఈ కవిత మీది కాదా..? అంటూ వైరముత్తుని ప్రశ్నించింది. దమ్ముంటే ఈ విషయంపై వైరముత్తు చర్చకు రావాలని, సాక్ష్యాలతో సహా ఆయన బండారం బయటపెడతానని సదరు మహిళ సవాల్ విసిరింది. చిన్మయి బాధితులకి అండగా నిలబడి మాట్లాడుతున్నందుకు ఆమెకి హ్యాట్సాఫ్ అని చెప్పింది.  

ఇది కూడా చదవండి..