సడన్ గా గుండులో కనిపించి ఫ్యాన్స్ కి షాక్ ఇచ్చారు మెగాస్టార్ చిరంజీవి. ఆ లుక్ బయటికి వచ్చిన నాటి నుండి దీని వెనకున్న మతలబు ఏమిటని ఫ్యాన్స్ బుర్రబద్దలు కొట్టుకుంటున్నారు. కాగా చిరు సోషల్ మీడియా సాక్షిగా దీని వెనకున్న సీక్రెట్ భయటపెట్టారు.
గుండెలో కనిపించిన మెగాస్టార్ చిరంజీవి ఫ్యాన్స్ కి షాక్ ఇచ్చారు. గుండు చేయించుకొని, గాగుల్స్ పెట్టుకొని అర్బన్ మాంక్ లుక్ లో చిరు సరికొత్తగా కనిపించారు. సడన్ గా బాస్ గుండు దర్శనం ఇవ్వడం ఏమిటీ, ఈ లుక్ వెనుక ఆంతర్యం ఏమిటని టాలీవుడ్ లో పెద్ద చర్చే జరిగింది. చిరు నెక్స్ట్ చేయనున్న మూవీ మేకప్ టెస్ట్ లో భాగమే ఈ లుక్ అని అందరూ భావించారు. కొందరైతే నిజంగా చిరు గుండు చేయించుకున్నారేమో అని భ్రమపడ్డారు.
కాగా అందరి అనుమానాలకు తెరదించుతూ సోషల్ మీడియా ద్వారా చిరు తన లుక్ పై క్లారిటీ ఇచ్చారు. ఇంస్టాగ్రామ్ లో వీడియో షేర్ చేసిన చిరు ఆ గుండు వెనుక సీక్రెట్ బయటపెట్టారు. ఆ వీడియోలో మేకప్ ఆర్టిస్ట్స్ తమ స్కిల్స్ తో చాలా సహజంగా చిరును అర్బన్ మాంక్ లుక్ లోకి మార్చారు. ఆ లుక్ చాలా సహజంగా ఉండగా, టెక్నీషియన్స్ గంటల తరబడి వర్క్ చేసినట్లు తెలుస్తుంది.
'ఎటువంటి లుక్ అయినా సహజంగా, వాస్తవానికి దగ్గరగా తీర్చిదిద్దుతున్న సాంకేతిక నిపుణులకు ధన్యవాదాలు, ఈ సినీ మాయకు నా ధన్యవాదాలు' అని కామెంట్ కూడా పెట్టారు. అందుబాటులోకి వచ్చిన సాంకేతిక, పెరిగిన నైపుణ్యాలతో మేకప్ ఆర్టిస్ట్స్ వెండితెరపై అద్భుతాలు చేస్తున్నారు. ఎటువంటి లుక్ అయినా, చాలా సహజంగా, ప్రేక్షకులు నమ్మే విధంగా తీర్చిద్దితున్నారు. తెలుగు పరిశ్రమలో రూపుదిద్దుకున్న 'అ' మూవీ మేకప్ విభాగంలో జాతీయ అవార్డు పొందిన సంగతి తెలిసిందే.