ఆ నిర్మాత దారుణంగా హింసించాడు.. నటి ఫోటోలు వైరల్!

తెలుగులో 'నువ్వు నాకు నచ్చావ్' సినిమాతో గుర్తింపు తెచ్చుకున్న నటి ఆశా షైనీ.. ఆ తరువాత కొన్ని తెలుగు సినిమాలలో మెరిసింది. ప్రస్తుతం సినీ ఇండస్ట్రీలో కొందరు తారలు తాను ఎదుకొన్న లైంగిక వేధింపుల గురించి బహిరంగంగా కామెంట్లు చేస్తున్నారు.

ఈ క్రమంలో ఆశాషైనీ కొన్ని ఫోటోలను షేర్ చేస్తూ ఓ నిర్మాత తనను ఎంతగా వేధించాడో  వెల్లడించింది. ముఖం అంతా దెబ్బలతో ఉన్న ఫోటోలను అభిమానులకి షేర్ చేస్తూ.. 'అది నేనే 2007 లో ప్రేమికుల దినోత్సవం సందర్భంగా గౌరంగ్ దోషి నన్ను దారుణంగా కొట్టాడు. సంవత్సరం పాటు నాకు నరకం చూపించాడు. దాని ఫలితంగా నా ముఖంపై చెరిగిపోని గాట్లు పడ్డాయి.

ఆ సమయంలో నేను ఈ విషయాలను బయట పెడితే ఎవరూ నమ్మేవారు కాదు. అతనికున్న పలుకుబడి ముందు నేను నిలవలేకపోయాను. నాకు సినిమా అవకాశాలు రాకుండా చేస్తానని చాలా సార్లు బెదిరించాడు. నేను మాత్రమే కాదు నాలాంటి వాళ్లు ఎందరినో గౌరంగ్ ఇబ్బందిపెట్టాడు. వారంతా నాకు ఫోన్లు చేసి సహాయం చేయమని అడిగేవారు.

కానీ నేను ఆ ధైర్యం చేయలేకపోయాను. ఇలాంటి దారుణాల గురించి బయటపెడుతున్న వారికి సపోర్ట్ గా ఉండడానికి నేను ఈ పోస్ట్ పెడుతున్నాను. మీ లాంటి వాళ్లు సమాజానికి చాలా అవసరం'' అంటూ వెల్లడించింది.  

ఇవి కూడా చదవండి..