శ్వాస తీసుకోవడానికి కోడెల ఇబ్బంది: ప్రభుత్వ ఒత్తిడి వల్లనే...

జగన్ ప్రభుత్వ ఒత్తిడి వల్లనే కోడెల శివప్రసాద రావు ఆరోగ్యం క్షీణించిందని టీడీపి నేత నక్కా ఆనందబాబు వివరించారు. శ్వాస తీసుకోవడానికి కోడెల ఇబ్బంది పడుతున్నారని ఆయన బంధువు చెప్పారు.

గుంటూరు: ఆంధ్రప్రదేశ్ శాసనసభ మాజీ స్పీకర్ కోడెల శివప్రసాద రావు శ్వాస తీసుకోవడానికి ఇబ్బంది పడుతున్నారని ఆయన బంధువు మీడియాకు చెప్పారు. గుండెపోటుతో ఆయన శుక్రవారం రాత్రి ఆస్పత్రిలో చేరిన విషయం తెలిసిందే. 

కోడెల ఆరోగ్యం నిలకడగానే ఉందని, శ్రీలక్ష్మీ సూపర్ స్పెషాలిటీ ఆస్పత్రి ఐసియూలో ఆయనకు చికిత్స జరుగుతోందని కోడెల బంధువు చెప్పారు. కోడెల ప్రస్తుతం వెంటిలేటర్ పై ఉన్నారని, ఇతర ఆస్పత్రుల వైద్యులు కూడా కోడెల ఆరోగ్యాన్ని పర్యవేక్షిస్తున్నట్లు తెలిపారు.

కోడెల చికిత్స పొందుతున్న ఆస్పత్రికి టీడీపి నేతలు నక్కా ఆనందబాబు, జీవీ ఆంజనేయులు వెళ్లారు. కోడెల అనారోగ్య పరిస్థితికి వైసిపి ప్రభుత్వ ఒత్తిళ్లే కారణమని నక్కా ఆనంబాబు విమర్శించారు. కోడెల కుటుంబ సభ్యులపై జగన్ ప్రభుత్వం అక్రమ కేసులు బనాయిస్తోందని ఆయన విమర్శించారు.  

సంబంధిత వార్తలు