రాజధానిపై తలా ఓ మాట మాట్లాడుతున్నారు.. గల్లా జయదేవ్

పంట నష్టపోయి దాదాపు 10వేల కుటుంబాలు ఇబ్బంది పడ్డాయని గల్లా చెప్పారు. రాజధాని అమరావతిపై మంత్రులు తలో రకంగా మాట్లాడుతున్నారని ఎద్దేవా చేశారు. జగన్ కి మోదీ, అమిత్ షా మద్దతు ఉందంటూ వైసీపీ ఎంపీ విజయసాయి రెడ్డి చేసిన వ్యాఖ్యలను బీజేపీ నేతలు తప్పుపట్టారన్న విషయాన్నిఈ సందర్భంగా గల్లా గుర్తు చేశారు.  

ఆంధ్రప్రదేశ్ రాష్ట్ర రాజధానిపై మంత్రులు తలా ఓ మాట మాట్లాడుతున్నారని టీడీపీ ఎంపీ గల్లాజయదేవ్ అన్నారు. గురువారం ఆయన టీడీపీ సీనియర్ నేతలు కేశినేని నాని, దేవినేని ఉమా మహేశ్వరరావుతో కలిసి మీడియాతో మాట్లాడారు. ఈ సందర్భంగా గల్లా మాట్లాడుతూ... కృష్ణా నది వరదపై ప్రభుత్వం సరిగా అంచనా వేయలేకపోయిందని అన్నారు. దానివల్లే 6వేల ఎకరాలు నీట మునిగిపోయాయని ఆయన అన్నారు.

పంట నష్టపోయి దాదాపు 10వేల కుటుంబాలు ఇబ్బంది పడ్డాయని గల్లా చెప్పారు. రాజధాని అమరావతిపై మంత్రులు తలో రకంగా మాట్లాడుతున్నారని ఎద్దేవా చేశారు. జగన్ కి మోదీ, అమిత్ షా మద్దతు ఉందంటూ వైసీపీ ఎంపీ విజయసాయి రెడ్డి చేసిన వ్యాఖ్యలను బీజేపీ నేతలు తప్పుపట్టారన్న విషయాన్నిఈ సందర్భంగా గల్లా గుర్తు చేశారు.

అనంతరం మాజీ మంత్రి దేవినేని ఉమా మాట్లాడారు. పోలవరం విషయంలో హైకోర్టు ఇచ్చిన తాజా తీర్పు  సీఎం జగన్ తొందరపాటు నిర్ణయానికి చెంపపట్టు అని అన్నారు. అధికారంలోకి రాగానే పోలవరం పవర్ ప్రాజెక్టును కొట్టేయాలని చూశారని.. అందుకే వైఎస్ బంధువు పీటర్ తో కమిటీ చేర్పాటు చేశారని ఆరోపించారు.

పోలవరం పరిధిలోని 7 ముంపు మండలాలను మన భూభాగంలో కలిపేందుకు చంద్రబాబు కృషి చేశారన్నారు. ముంపు మండలాలను కలపడం వల్లే ప్రాజెక్టు పనులు ఊపందుకున్నాయని చెప్పారు. డ్యామ్‌ సైట్‌ వద్ద ప్రజలను ఖాళీ చేయించేందుకు గతంలో రూ.115 కోట్లు పరిహారం ఇచ్చామన్నారు.2015లోనే డ్యామ్‌ సైట్‌ ఖాళీ అయిపోయిందని గుర్తు చేశారు.

సంబంధిత వార్తలు