బెజవాడ మేయర్ కోనేరు శ్రీధర్‌ ఇంటిపై ఐటీ దాడులు..?

బెజవాడలో మరోసారి ఐటీదాడుల కలకలం రేగింది.. నగర మేయర్ కోనేరు శ్రీధర్ ఇంటిపై ఐటీ దాడులు జరిగాయన్న వార్తతో నగరం మరోసారి ఉలిక్కిపడింది. అయితే ఆ కాసేపటికే ఇది గాలివార్తగా తేలిపోయింది.. వదంతులపై స్పందించిన మేయర్ కోనేరు.. తన నివాసంలో ఎలాంటి సోదాలు జరగలేదని తెలిపారు.

గత కొన్ని రోజులుగా తెలుగుదేశం పార్టీ నేతల ఇళ్లపై ఆదాయపు పన్ను శాఖ దాడులు నిర్వహించింది. నెల్లూరు జిల్లాకు చెందిన ప్రముఖ పారిశ్రామిక వేత్త బీద మస్తాన్‌రావు ఇళ్లు, కార్యాలయాలపై సోదాలు జరిపింది.. ఆ తర్వాత కొద్దిరోజులకే రాజ్యసభ సభ్యుడు సీఎం రమేశ్ ఇంటిపై దాడులు నిర్వహించింది.