కూతురితో సర్వేశ్వరరావు చివరి మాటలివే...

 దసరాకు వస్తాను... మధ్యలో రావడం నాకు కుదరదమ్మా.... అంటూ తనతో తండ్రి మాట్లాడిన చివరి మాటలు ఇవే అంటూ సర్వేశ్వరరావు కూతురు గద్గదస్వరంతో చెప్పారు. 

అరకు: దసరాకు వస్తాను... మధ్యలో రావడం నాకు కుదరదమ్మా.... అంటూ తనతో తండ్రి మాట్లాడిన చివరి మాటలు ఇవే అంటూ సర్వేశ్వరరావు కూతురు గద్గదస్వరంతో చెప్పారు. 

సోమవారం నాడు  తండ్రి మృతదేహం వద్ద ఆమె కన్నీరు మున్నీరుగా విలపించారు. రెండు రోజుల క్రితమే తండ్రి తన వద్దకు వచ్చాడని ఆమె గుర్తు చేసుకొని కన్నీళ్లు పెట్టుకొన్నారు. అసెంబ్లీ సెషన్స్ ముగించుకొని తన వద్దకు వచ్చారని ఆమె గుర్తు చేసుకొన్నారు.

మధ్యాహ్నం నాన్నతో కలిసి భోజనం చేసినట్టు ఆమె చెప్పారు. సాయంత్రం వరకు సరదాగా తండ్రితో గడిపినట్టు ఆమె చెప్పారు.  అయితే రాత్రిపూట తనను కాలేజీ హాస్టల్ వద్ద దింపేసి వెళ్లిపోయాడని ఆమె చెప్పారు.

దసరాకు వస్తానని తనతో చెప్పాడని.. మధ్యలో రావడం కుదరదని తండ్రి తనతో చెప్పాడని ఆమె గుర్తు చేసుకొని విలపించారు.  అయితే  తాను తండ్రితో మాట్లాడేందుకు ప్రయత్నించినా..సిగ్నల్స్ లేని కారణంగా తండ్రితో మాట్లాడేందుకు సాధ్యం కాలేదని ఆమె చెప్పారు. 

రెండు రోజుల క్రితం మాట్లాడిన మాటలే చివరి మాటలౌతాయని మాత్రం తాను అనుకోలేదని  సర్వేశ్వరరావు కూతురు  చెప్పారు. ఇదిలా ఉంటే మరోవైపు రెండు రోజుల క్రితం రాత్రిపూట తండ్రితో మాట్లాడినట్టు సర్వేశ్వరరావు కొడుకు చెప్పారు.మావోయిస్టుల నుండి  బెదిరింపులు ఉన్న విషయం తమతో ఏనాడూ కూడ నాన్న చెప్పలేదని సర్వేశ్వరరావు కొడుకు చెప్పారు. 

సంబంధిత వార్తలు