టీడీపీ ఎమ్మెల్యే హత్య: సివేరి సోమ నా సహచరుడు..కేటీఆర్ దిగ్భ్రాంతి

అరకు టీడీపీ ఎమ్మెల్యే కిడారి సర్వేశ్వరరావు, మాజీ ఎమ్మెల్యే సివేరి సోమ మావోయిస్టుల చేతితో దారుణంగా హత్యకు గురికావడం పట్ల తెలంగాణ ఐటీ శాఖ మంత్రి కేటీఆర్ దిగ్భ్రాంతి వ్యక్తం చేశారు. ఈ మేరకు ఆయన ట్వీట్ చేశారు..

మన్యంలో ఇద్దరు నేతలు మావోల ఘాతుకానికి బలవ్వడం తనను షాక్ గురిచేసిందని.. ఆ కుటుంబాలకు తన ప్రగాఢ సానుభూతిని తెలిపారు.. ఇదే సందర్భంలో 2009-14 కాలంలో సివేరి సోమకు తాను అసెంబ్లీలో సహచరుడిగా ఉన్నానని కేటీఆర్ గుర్తు చేసుకున్నారు.

గ్రామదర్శిని కార్యక్రమానికి వెళుతున్న అరకు ఎమ్మెల్యే కిడారి సర్వేశ్వరరావు, మాజీ ఎమ్మెల్యే సివేరి సోమను మాటు వేసిన మావోలు దారుణంగా కాల్చి చంపిన సంగతి తెలిసిందే.