కూతురిపై తండ్రి అత్యాచారం...మూడేళ్లుగా సాగుతున్నా తల్లి మౌనం

కంటికి రెప్పలా కాపాడాల్సిన కన్నతండ్రే.. కూతురిపై కన్నేశాడు... కూతురిపై అత్యాచారం చేస్తూ తన లైంగిక వాంఛను తీర్చుకుంటున్నాడు. చిత్తూరు జిల్లా పలమనేరు మండలానికి చెందినే ఓ వ్యక్తి కన్నకూతురిపై అత్యాచారం చేస్తూ ఆమెను లోబరుచుకుని మూడేళ్లుగా లైంగిక దాడికి పాల్పడుతున్నాడు..

కన్న తండ్రే తనపై అఘాయిత్యానికి పాల్పడుతుండటంతో దీనిని భరించలేని బాలిక.. కొద్దిరోజుల క్రితం తల్లికి చెప్పింది.. ఆమె కూడా భర్త దురాగతాన్ని అడ్డుకోలేకపోవడంతో బాలిక ఓ స్వచ్ఛంద సంస్థను ఆశ్రయించింది.

వెంటనే స్పందించిన సంస్థ నిర్వాహకులు.. బాలికను వెంటబెట్టుకుని పలమనేరు పోలీస్ స్టేషన్‌కు వెళ్లి ఫిర్యాదు చేశారు. రంగంలోకి దిగిన పోలీసులు కేసు నమోదు చేసి నిందితుడి కోసం గాలింపు చర్యలు చేపట్టారు.