జెసి దివాకర్ రెడ్డిపై హోం మంత్రి చిన రాజప్ప షాకింగ్ కామెంట్స్

పోలీసులపై జెసి చేసిన వ్యాఖ్యలపై, పోలీసు అధికారుల సంఘం ఆయనకు అదే స్థాయిలో హెచ్చరికలు చేడం, తిరిగి జేసి తీవ్ర స్థాయిలో మండిపడడంపై చినరాజప్ప శనివారం స్పందించారు. 

కాకినాడ: పోలీసులపై తీవ్రమైన వ్యాఖ్యలు చేసిన తమ తెలుగుదేశం పార్టీ పార్లమెంటు సభ్యుడు జెసి దివాకర్ రెడ్డిపై హోం మంత్రి చిన రాజప్ప షాకింగ్ కామెంట్స్ చేశారు. పోలీసులపై జెసి చేసిన వ్యాఖ్యలపై, పోలీసు అధికారుల సంఘం ఆయనకు అదే స్థాయిలో హెచ్చరికలు చేడం, తిరిగి జేసి తీవ్ర స్థాయిలో మండిపడడంపై ఆయన శనివారం స్పందించారు. 

పోలీసులపై జెసి దివాకర్ రెడ్డి అనుచిత వ్యాఖ్యలు చేశారని, అది సరి కాదని ఆయన తూర్పు గోదావరి జిల్లా పిఠాపురంలో అన్నారు.  టీడీపీ ఎంపీగా ఉండి ప్రభుత్వానికి వ్యతిరేకంగా వ్యాఖ్యలు చేయడం  సరికాదని ఆయన అన్నారు.  జేసీ తీరును ఆయన విజ్ఞతకే వదులుతున్నానని అన్నారు. 

పోలీసు సంఘం ప్రతినిధులు కూడా నాలుకలు కోస్తామని అనడం సమర్థనీయం కాదని అబిప్రాయపడ్డారు. ఆంధ్రప్రదేశ్‌లో పోలీసులు సమర్థవంతంగా పని చేస్తున్నారని ప్రశంసించారు. పోలీసులు సంయమనంతో పరిస్థితులను బట్టి స్పందించాలని చిన రాజప్ప సూచించారు.

సంబంధిత వార్తలు