ఓఎల్‌ఎక్స్‌లో జనసేన విక్రయం, సిగ్గులేదా: పవన్ పై మంత్రి నాని ఫైర్

ఏపీ మంత్రి పేర్నినాని జనసేన చీఫ్ పవన్ కళ్యాణ్‌పై తీవ్ర స్థాయిలో విరుచుకుపడ్డారు. 

అమరావతి: పవన్ కళ్యాణ్  జనసేన పార్టీని ఓఎల్ఎక్స్‌లో విక్రయానికి పెట్టారని  ఏపీ సమాచార శాఖ మంత్రి పేర్నినాని విమర్శించారు. పవన్ నాయుడు మాటలకు ఏం విలువ ఉందని పేర్ని నాని ప్రశ్నించారు.

శుక్రవారం నాడు మంత్రి పేర్ని నాని అమరావతిలో మీడియాతో మాట్లాడారు. 2014లో మోడీ, బాబును గెలిపించారని పవన్ చెప్పారు. 2019లో కూడ వైఎస్ జగన్ ను కూడ గెలిపించారని చెప్పారని మంత్రి నాని ఎద్దేవా చేశారు. 2024లో కూడ జగన్‌ను కూడ మళ్లీ తానే గెలిపించారని నాని విమర్శలు గుప్పించారు.

చంద్రబాబు అవాక్కయ్యేలా పవన్ అవకాశవాద రాజకీయాలు చేస్తున్నారని మంత్రి పేర్ని నాని విమర్శలు గుప్పించారు. చంద్రబాబుకు లోకేష్ పై నమ్మకం లేనందునే పవన్ కళ్యాణ్ ను దత్తత తీసుకొన్నారని మంత్రి నాని ఘాటు వ్యాఖ్యలు చేశారు

 పూటకో మాట మాట్లాడే పవన్ మాటలకు విలువ ఏముంటుందన్నారు మంత్రి. 2014 లో సీట్లు గెలవలేని పవన్ కల్యాణ్ 2024 లో ఏం గెలుస్తారో చెప్పాలని మంత్రి ప్రశ్నించారు. బీజేపీతో భేషరతుగా పవన్ కళ్యాణ్ కలవటం లో ఉద్దేశ్యం ఏమిటో తెలపాలని పవన్ కళ్యాణ్‌ చెప్పాలని మంత్రి కోరారు.

గతంలో ఇదే పవన్ కళ్యాణ్ బీజేపీ పై ప్రధాని మోదీ,అమిత్ షా పై  విమర్శలు చేసిన విషయాన్ని నాని గుర్తు చేశారు. పవన్ ఇప్పుడు షరతుల తో కూడిన ఒప్పందం ఎందుకు చేసుకోలేదో చెప్పాల్సిందిగా కోరారు. బేషరతుగా బీజేపీ తో లొంగి పోవటానికి పవన్ కు సిగ్గు అనిపించటం లేదా పవన్ కళ్యాణ్‌పై మంత్రి పేర్నినాని విమర్శలు గుప్పించారు.