Hyderabad: విద్యార్థుల ఆత్మహత్యల నివారణకు తీసుకుంటున్న చర్యలపై వివరాలు ఇవ్వాల‌ని తెలంగాణ హైకోర్టు ప్ర‌భుత్వాన్ని ఆదేశించింది. ఇటీవ‌లి కాలంలో విద్యార్థుల ఆత్మ‌హ‌త్య‌లు పెరుగుతుండ‌టంపై స‌ర్వ‌త్రా ఆందోళ‌న వ్య‌క్త‌మ‌వుతోంది. ఈ క్ర‌మంలోనే విద్యార్థుల ఆత్మ‌హ‌త్య‌ల నివార‌ణ‌కు తీసుకున్న చర్యలపై రెండు వారాల్లోగా సమాచారం అందించాలని తెలంగాణ స్టేట్ బోర్డు ఆఫ్ ఇంటర్మీడియట్ ఎడ్యుకేషన్ (TSBIE)ను ఆదేశించింది.
 

ఇంటర్మీడియట్ విద్యార్థుల ఆత్మహత్యలు తల్లిదండ్రులను కడుపుకోతకు గురి చేస్తున్నాయి. ఇప్పటి వరకు ఆరుగురు విద్యార్థులు ఆత్మహత్య చేసుకున్నారు. దాంతో బోర్డు తీరుపై విమర్శలు వెల్లువెత్తున్నాయి.