అత్యంత వేగంగా భారత్ జీడీపీ పరంగా 4 ట్రిలియన్ డాలర్లను మార్క్‌ను దాటిందంటూ కథనాలు వస్తున్నాయి. భారత్ తొలిసారిగా ఈ చారిత్రాత్మక మైలురాయిని చేరుకోవడంతో ఆర్ధికవేత్తలు హర్షం వ్యక్తం చేస్తున్నారు. 

ప్రస్తుత ఆర్థిక సంవత్సరం రెండో త్రైమాసిక వృద్ధి రేటు గణాంకాలను ప్రభుత్వం విడుదల చేసింది. జూలై-సెప్టెంబర్ త్రైమాసికంలో భారత ఆర్థిక వ్యవస్థ వృద్ధి రేటు 6.3 శాతంగా ఉంది. నేషనల్ స్టాటిస్టిక్స్ ఆఫీస్ విడుదల చేసిన డేటా ప్రకారం, రెండవ త్రైమాసికంలో వృద్ధి రేటు మొదటి త్రైమాసికం కంటే తక్కువగా ఉంది, అయితే ఇది సంతృప్తికరంగా ఉన్నట్లు నిపుణులు చెబుతున్నారు.

2021-22 ఆర్థిక సంవత్సరం మూడో త్రైమాసికం (అక్టోబర్-డిసెంబర్) కాలంలో భారత ఆర్థిక వ్యవస్థ నెమ్మదించింది. గత త్రైమాసికంలో జీడీపీ వృద్ధి రేటు 5.4 శాతానికి పరిమితమైంది.