నెలాఖరులో మీకు అప్పుల బాధ తప్పాలంటే 5 చిట్కాలు

ప్రస్తుత ప్రపంచంలో పర్సనల్, ఫ్యామిలీ అవసరాలు తీర్చడం కోసం ప్రతి ఒక్కరికీ డబ్బు అధికంగా అవసరం అవుతోంది. గతంలోనూ అందరూ ఇలాగే వ్యక్తిగత, కుటుంబ బాధ్యతలు తీర్చేవారు. అయితే  ఈ కాలంలో ఖర్చులు అధికమయ్యాయి. అవసరం ఉన్నా లేకపోయినా ఆఫర్లు ఉన్నాయని మాల్స్ కి వెళ్లి వస్తువులు కొనుక్కోవడం చాలా కుటుంబాల్లో అలవాటుగా మారిపోయింది. టైమ్ పాస్ చేయడానికి షాపింగ్ మాల్స్, మార్కెట్ కు వెళ్లి జేబులు ఖాళీ చేసుకొనే వారు ఎంతో మంది ఉంటారు. ఇలాంటి అనవసర ఖర్చులు తగ్గించుకొనేలా ఆర్థిక నిర్వహణ చేయగలగాలి. 

ఆర్థిక నిర్వహణ అనేది పెద్ద జీతం పొందే ఉద్యోగులకు మాత్రమే అని మీరు అనుకుంటే పొరపాటు పడ్డట్టే. భారత ప్రభుత్వం ప్రతి ఐదు సంవత్సరాలకు ఒకసారి 143 కోట్ల మంది ప్రజలకు బడ్జెట్‌ను ప్రకటిస్తుంది. అన్ని కోట్ల మందికి ప్రభుత్వం బడ్జెట్ వేస్తుండగా, మీరు మీ కుటుంబం కోసం ఆర్థిక వ్యయాన్ని అంచనా వేయకపోతే ఎలా? కొంచెం ప్రపంచ జ్ఞానం ఉపయోగిస్తే కుటుంబ అవసరాలు సంపాదించే జీతంలోనే తీర్చుకోవడం ఎలాగో తెలిసిపోతుంది. మీరు బాగా ప్లాన్ ప్రకారం డబ్బు ఖర్చు చేస్తే, మీ ఇంట్లో సగం కంటే ఎక్కువ సమస్యలు తగ్గిపోతాయి. ఆర్థిక నిర్వహణ కోసం ఇక్కడ కొన్ని చిట్కాలు ఉన్నాయి. మీరు వాటిని నేర్చుకుని అమలు చేస్తే, డబ్బు కొరత ఉండదు.

అన్ని కంపెనీలు తమ నికర లాభం లేదా నష్టాన్ని కనుగొనడానికి కంపెనీ ద్వారా చేసిన ఖర్చులు, కంపెనీకి వచ్చే ఆదాయాన్ని విడిగా లిస్ట్ అవుట్ చేస్తాయి. దీని ప్రకారం మీ వార్షిక లేదా నెలవారీ ఆర్థిక లావాదేవీలను ట్రాక్ చేయడానికి, అర్థం చేసుకోవడానికి మీరు ఈ పద్ధతిని అనుసరించవచ్చు.

ముఖ్యమైన ఖర్చులు: ఈ జాబితాలో విద్యుత్ బిల్లులు, మొబైల్ బిల్లులు, పిల్లల స్కూల్ ఫీజులు, కిరాణా, ఇతర గృహ అవసరాలు వంటి స్థిర ఖర్చులు ఉంటాయి. ఈ ఖర్చులను ఆపలేము.

ముఖ్యం కాని ఖర్చులు: బయట నుండి ఆహారం ఆర్డర్ చేయడం, అనవసరమైన వస్తువులను కొనడం ఇతర విచక్షణా ఖర్చులు. ఇవి మీరు కంట్రోల్ చేయవచ్చు. 

జీవితంలో ఎవరైనా అత్యవసర పరిస్థితిని ఎదుర్కోవడం సహజం. ఊహించని పరిస్థితులు ఆర్థిక భారాన్ని పెంచుతాయి. ఈ పరిస్థితిని ఎదుర్కోవడానికి.. అత్యవసర పరిస్థితుల కోసం ప్రతి నెలా మీ ఆదాయంలో కొంత భాగాన్ని పక్కన పెట్టడం చాలా ముఖ్యం. ఇది అత్యవసర నిధి. ఊహించని ఖర్చులను అత్యవసర నిధి నుండి తీర్చవచ్చు. ఈ నిధి మీ కుటుంబానికి రక్షణగా పనిచేస్తుంది. మీ నెలవారీ బడ్జెట్‌ను సురక్షితంగా ఉంచుతుంది. మీరు అత్యవసర నిధి కోసం ఆదా చేయకపోతే, అత్యవసర పరిస్థితిలో మీరు ఇతరులను ఆశ్రయించాల్సి రావచ్చు. ఆ సమయంలో ఎవరూ ఆర్థికంగా సహాయం చేయకపోతే చాలా ఇబ్బందులు పడతారు. 

మీ ఆదాయం, ఖర్చులను లిస్ట్ చేయడంతో పాటు ప్రతిదీ రెండుసార్లు తనిఖీ చేయాలి. అప్పుడు ఏ ఖర్చులు అవసరం, ఏవి అనవసరం, ఏవి సర్దుబాటు చేయవచ్చో మీరు సులభంగా అర్థం చేసుకుంటారు. ఫలితంగా మీ ఇంటి బడ్జెట్ కూడా సమర్థవంతంగా మారుతుంది. అనవసరమైన ఖర్చులు తగ్గుతాయి. డబ్బు ఆదా అవుతుంది. అప్పుడు మీ జీతం నెలాఖరుకు వస్తుంది. అందువల్ల మీ బడ్జెట్‌ను క్రమం తప్పకుండా సమీక్షించడం ముఖ్యం.