Mar 8, 2023, 3:22 PM IST
కరీంనగర్ : 'నువ్వు పెద్ద నక్సలైట్ వు అంటగదా..!' అంటూ కాంగ్రెస్ ఎమ్మెల్యే సీతక్కను సూటిగా ప్రశ్నించింది గంగవ్వ. మై విలేజ్ షో ద్వారా మంచి గుర్తింపు తెచ్చుకుని సినిమాల్లో నటిస్తోంది గంగవ్వ. అచ్చమైన తెలంగాణ పల్లెటూరి యాసలో కాస్త అమాయకంగా, మరికొంత గడుసుగా గంగవ్వ మాటలుంటాయి. ఇలా లేటు వయసులో మంచి గుర్తింపు పొంది సెలబ్రెటీగా మారింది గంగవ్వ. ఇక నక్సలైట్ నుండి ఎమ్మెల్యేగా మారి ప్రజా సేవలో తోటి శాసనసభ్యులకు ఆదర్శంగా నిలిచి తనకంటూ ప్రత్యేక గుర్తింపు తెచ్చుకున్నారు సీతక్క. కరోనా సమయంలో కొండకోనల్లో జీవించే ఆదివాసి, గిరిజన బిడ్డల ఆకలి తీర్చేందుకు సీతక్క పడిన కష్టం అంతాఇంతా కాదు. ఇలాంటి ఇద్దరు ఆదర్శవంతమైన మహిళలు గంగవ్వ, సీతక్క ఒక్కచోట చేరి సరదాగా ముచ్చటించారు. అంతర్జాతీయ మహిళా దినోత్సవం సందర్భంగా ఆ వీడియో మీకోసం....