పెద్దపల్లి జిల్లాలో ట్రైనీ ఐఎఎస్ బృందం పర్యటన ... లక్ష్మీపురం సందర్శన

పెద్దపల్లి : ట్రైనీ ఐఎఎస్ ల బృందం ఇవాళ(సోమవారం) పెద్దపల్లి జిల్లా కాల్వశ్రీరాంపూర్ మండలం లక్ష్మీపురంలో పర్యటించారు. తమ గ్రామ సందర్శనకు వచ్చిన ట్రైనీ ఐఎఎస్ లకు సర్పంచ్ బండ రవీందర్ ఘనస్వాగతం పలికారు.గ్రామం మొత్తాన్ని కలియతిరిగిన ఐఎఎస్ బృందం అభవృద్ది పనులు, సంక్షేమం గురించి సర్పంచ్, ఇతర అధికారులను అడిగి తెలుసుకున్నారు. గ్రామస్తులతోనూ ముచ్చటిస్తూ సామాజిక స్థితిగతులు, సమస్యల గురించి అడిగి తెలుసుకున్నారు. గ్రామాభివృద్దికి పాటుపడుతున్న సర్పంచ్ రవీందర్ రెడ్డిని ట్రైనీ ఐఎఎస్ ల బృందం అభినందించింది.