సిరిసిల్లపై కేటీఆర్ స్పెషల్ ఫోకస్... జోరుగా అభివృద్ది పనులు

సిరిసిల్ల : తెలంగాణ ఐటీ, పురపాలక శాఖల మంత్రి కేటీఆర్ సొంత నియోజకవర్గం సిరిసిల్లపై స్పెషల్ ఫోకస్ పెట్టారు. ఎన్నికలు దగ్గరపడుతుండటంతో సిరిసిల్లలో అభివృద్ది పనుల జోరు పెంచడమే కాదు స్వయంగా కేటీఆర్ ప్రారంభోత్సవాలు, శంకుస్థాపనలతో ప్రజల మద్యలో వుంటున్నారు. ఇలా తాజాగా ఎమ్మెల్యే నిధులు, మైనారిటీ సంక్షేమ శాఖ ఆధ్వర్యంలో కోటీ పదిలక్షల రూపాయలతో నిర్మించిన షాదీఖానాను కేటీఆర్ ప్రారంభించారు. అలాగే తంగళ్లపల్లి మండలం జిల్లెల్లలో నూతనంగా నిర్మించిన పల్లె దవాఖానను కూడా మంత్రి ప్రారంభించారు. అంతకుముందు స్థానిక ప్రభుత్వ పాఠశాలలో డిజిటల్ క్లాస్ రూం, సోలార్ ప్లాంట్ ను ప్రారంభించారు.ఇలా కేటీఆర్ సొంత నియోజకవర్గంలో ప్రారంభోత్సవాలతో బిజీ బిజీగా గడిపారు.