శివరాత్రి పండగపూట గ్రీన్ ఇండియా ఛాలెంజ్... ఈశా స్కూల్లో మొక్కనాటిన ఎంపీ సంతోష్

తమిళనాడు : భారత రాష్ట్ర సమితి ఎంపీ జోగినిపల్లి సంతోష్ కుమార్ తమిళనాడులోని ఈశా ఫౌండేషన్ స్కూల్ విద్యార్థులతో కలిసి గ్రీన్ ఇండియా ఛాలెంజ్ లో పాల్గొన్నారు. కోయంబత్తూరులో ప్రతి ఏడాది మాదిరిగానే ఈసారి కూడా శివరాత్రి ఉత్సవాలను ఘనంగా నిర్వహించారు. ఈ ఉత్సవాల్లో పాల్గొనాల్సిందిగా సద్గురు జగ్గీ వాసుదేవ్ నుండి ఆహ్వానం అందడంతో ఎంపీ సంతోష్ సతీసమేతంగా ఈశా ఆశ్రమానికి చేరుకున్నారు. ఈ క్రమంలోనే ఈశా ఫౌండేషన్ ఆధ్వర్యంలో నడిచే స్కూల్ ను సందర్శించిన సంతోష్ విద్యార్ధులతో కలిసి స్కూల్ ప్రాంగణంలో మొక్క నాటారు. అనంతరం పర్యావరణ పరిరక్షణతో పాలు పలు అంశాలపై విద్యార్థులకు అవగాహన కల్పించారు సంతోష్. ఈ కార్యక్రమంలో ఈశా వాలంటీర్లు,స్కూల్ సిబ్బంది పాల్గొన్నారు.